#koya بۆ ئەو کەسەی کە لە هەموو کەس زیاتر خۆشم دەویست و لە قووڵایی ئەم سینە چۆڵەدا جێگەت هەیە، نازانم چۆن دەست پێبکەم و چ ڕستەیەک بەکاربهێنم بۆ ئەوەی بڵێم چەندە بیرت دەکەم و چۆن ئەم دونیایە بێ تو بووە بە زندانێکی تاریک، سوێند بەو خودایەی کە دەزانێت لەم شەوە درێژ و بێسەروبەرانەدا چۆن ڕۆحم لە جەستەم دەردەچێت و چ ئازارێکی کوشندە لە قووڵایی سینەمدا دەسووتێت، ساتێک نەبووە کە ناوت لە هۆشم دەرچێت یان وێنەی ڕوخسار و چاوەکانت بۆ چرکەیەک لە بەرچاوم ون ببێت، ڕاستە خەڵک و دەوروبەر هەمیشە بەسەدان قسەی سارد و بێمانا دێن و دەڵێن ژیان بەردەوامە و دەبێت تۆش بە دوای چارەنووسی خۆتدا بڕۆیت و لاپەڕەی ڕابردوو دادەخرێت و کەس بە مردنی کەس نەمرتووە، بەڵام ئەوان هەرگیز نازانن و تێناگەن کە تۆ تەنها ناسیاوێک نەبوویت کە لە شەقامێکدا یەکتریمان ناسیبێت و دواتر بە ئاسانی فەرامۆشت بکەم، بەڵکو تۆ هەموو مانای هەناسەدان، هەموو ئارامیی دڵ و تەنها هیوایەکی مەزن بوویت کە دەمویست هەموو تەمەنم لە سایەیدا و لە تەنیشتتدا بەسەر ببەم، ئێستاش لەم کاتەدا کە تەنها سێبەری خەیاڵی تۆ لە دیوارەکانی ئەم ژوورە تاریک و ساردەدا دەبینرێت و هیچ دەنگێک جگە لە لێدانی تاکی دڵم و ناڵەی دەررونم نایێت، هەموو چرکەیەک ئەم ڕستەیە وەک زەبرێکی گەورە و وەک گرمەی هەور لە ناو مێشکمدا دەنگ دەداتەوە و بە گریان و هاوارەوە دەیلێمەوە کە بەس وەرەوە، قەینا من لێوی ماچ کراو، باوەشی بۆن کراویشتم ئەویتەوە بەخوا، بەخوا کە ماندووبووم لەم غەریبییە سەختە، ماندووبووم لەوەی بەیانیان چاو هەڵێنیم و کەس نەبینم جگە لە چوار دیواری بێدەنگ، ماندووبووم لەم هەموو یادەوەرییە تاڵانەی کە وەک خەنجەری ژەهراوی لە قووڵایی سینەمدا دەچەقێن و چرکەیەک ئارامم لێ ناستێنن، من لەم دنیایەدا هیچ داوایەکی گەورەم لە کەس نەکردبوو، تەنها داوام دەکرد کە لە تەنیشت مندا بمێنیتەوە، دەستەکانت بخەیتە ناو دەستە ساردەکانم و بە یەکەوە ئەو ڕێگە پڕ لە دڕک و داڵی ژیانە ببڕین، بەڵام دەستی بێرحەمی ڕۆژگار، هەندێک جار بە ناچاری و بە هەزاران کۆتوبەندی کۆمەڵایەتی و سەختیی دەوروبەر، ئێمەی خستە سەر دوو ڕێیانێکی کوشندە و زۆری لێکردین کە دەستی یەکتر بەربدەین و لە یەکتر دوور بکەوینەوە، لەگەڵ ئەوەشدا، با هەموو دنیا، با هەموو کەسێک و با خودی چارەنووسیش بزانێت کە من هەرگیز ناتوانم و نابەشم کە تۆ لەبیر بکەم، چونکە هەموو گۆشەیەکی ئەم شارە، هەموو ئەو کۆڵان و سەرشەقامانەی پێكەوە پێیدا تێپەڕیوین، شایەتی ئەو ڕاستییەن کە ئێمە بە روح و بە خەیاڵ بۆ یەکتر دروست بووبووین و هیچ هێزێک نەبوو کە بتوانێت ئەم خۆشەویستییە ڕاستەقینەیە لەناو ببات، ئەگەر هەموو کەسێکیش بێت و پێم بڵێت کە پەڕەی نێوانمان داخراوە و شتی وا نەماوە، من هێشتا وەک شێتێک لەسەر ئەو ڕێگەیە دادەنیشم و چاوەڕێی هاتنەوەت دەمەوێت، چونکە باوەڕم بەو ڕۆژە هەیە کە دەرگاکە کرێتەوە و تۆ بەو پێكەنینە گەرمەی خۆتەوە بێیتە ژوورەوە و کۆتایی بەم هەموو عەزابە بهێنیت، بۆیە لێرەوە بە دڵێکی شکاو، بە چاوێکی پڕ لە فرمێسک و بە رووحێکی تیاچووەوە دیسانەوە و تا سەر ئەبەد دەڵێم وەرەوە، وەرەوە با ئەم هەموو بارقورساییە و تەنیاییەی سینەم لە کۆڵبکەیتەوە و جارێکی تر ژیان بەو هەناسە گەرمەی تو ڕووناک و گەش ببیتەوە، چونکە من بێ تو تەواو نییم، نیوەکەی تری گیانم و هەموو دنیای من تەنها تۆیت و هیچ شتێکی تر لەم خاکەدا ناتوانێت جێگەی تۆ پڕ بکاتەوە، چونکە هەموو ساتێکی دووریی تو بۆ من لە سەد مەرگ قورس ترە و چاوەڕوانیم تەنها بە گەڕانەوەی تو کۆتایی دێت، وەرەوە چونکە من بە هەموو وجودمەوە تەنها و تەنها تۆم دەوێتەوە و هیچی تر نییە کە بتوانێت دڵم ئارام بکاتەوە و کۆتایی بەم هەموو سووتانە بهێنێت، چونکە ژیان بێ بوونی تو بۆ من تەنها مەرگێکی هێمن و بێدەنگە و هیچی تر.💔 - @cherok67