@user2414523886530: 🤰🤰ကိုယ်ဝန်ဆောင်ချိန်မှာ ဗိုက်ကလည်းကြီး၊ ဟော်မုန်းတွေကလည်းပြောင်းနဲ့ အိပ်ရခက်တာ တကယ့်ကို စိတ်ညစ်စရာပါပဲ။ အထူးသဖြင့် နေ့ရော၊ ညပါ အိပ်မရတဲ့ မေမေတွေအတွက်ပေါ့။ ရေရှည်မှာဆို မိခင်ရောကလေးပါ ကျန်းမာရေးထိခိုက်လာနိုင်တာကြောင့် အိပ်စက်ခြင်း အရည်အသွေး ပိုကောင်းလာစေဖို့ အောက်ပါနည်းလမ်းလေးတွေကို စမ်းကြည့်နိုင်ပါတယ်ရှင်။ ပက်လက်နဲ့မှောက်ခုံအိပ်တတ်တဲ့မေမေတွေအိပ်စက်တဲ့ ပုံစံကို ပြောင်းလဲပါ။ မိမိက ယခင်အိပ်နေကျအတိုင်း အိပ်စက်ပေမယ့် သန္ဓေသားကျန်းမာရေးအတွက် ခန္ဓာကိုယ်က သတိပေးနေလို့ အိပ်မရတာဖြစ်ပါတယ်။ ဘေးစောင်းအိပ်တာကို စတင်လေ့ကျင့်ပါ။အထူးသဖြင့် ဘယ်ဘက်ဘေးစောင်း အိပ်တာက အကောင်းဆုံးပါ။ ဒါက သန္ဓေသားဆီကို သွေးနဲ့ အာဟာရဓာတ် စီးဆင်းမှု ပိုကောင်းစေသလို ကျောက်ကပ် အလုပ်လုပ်တာကိုလည်း အထောက်အကူပြုပါတယ်။ ခေါင်းတွေ၊ဇက်ကြောတွေ၊ ကျောရိုး၊ ခါး၊ ခြေထောက်စသဖြင့် တကိုယ်လုံး သက်တောင့်သက်သာမဖြစ်၊ပုံစံမကျဘဲအိပ်မပျော်ရင်ကိုယ်ဝန်ဆောင်ဖက်ခေါင်းအုံး (Maternity Pillow) ကို သုံးပါ။ မရှိရင်လည်း ရိုးရိုးခေါင်းအုံးကို ဒူးနှစ်ခုကြားညှပ်တာ၊ ဗိုက်အောက်မှာ ခုတာ ဒါမှမဟုတ် ကျောဘက်မှာ ခုထားတာမျိုးက သက်တောင့်သက်သာ ဖြစ်စေပါတယ်။ ညဘက် ဆီးခဏခဏ ထသွားရတာ သက်သာအောင် နေ့ခင်းဘက်မှာ ရေများများသောက်ပြီး ညအိပ်ခါနီး ၂ နာရီလောက်အလိုမှာ ရေလျှော့သောက်ပါ။ လက်ဖက်ရည်၊ ကော်ဖီနဲ့ အချိုရည်တွေကို မွန်းလွဲပိုင်းကစပြီး ရှောင်ကြဉ်ပါ။ မသောက်တာအကောင်းဆုံးပေမယ့် လုံးဝဖြတ်မရတဲ့မေမေတွေအတွက်ပါ။ ညဘက် ရင်ပူတာ သက်သာဖို့ အစာကို တစ်ခါတည်း အများကြီးမစားဘဲ နည်းနည်းနဲ့ အကြိမ်ခဏခဏ ခွဲစားပေးပါ။ အိပ်ခါနီး ရေနွေးနွေးလေးနဲ့ ရေချိုးပေးတာက ကြွက်သားတွေကို ပြေလျော့စေပါတယ်။ အိပ်ခါနီး စိတ်ကို ငြိမ်အောင်ထားပြီး အသက်ပြင်းပြင်း ရှူသွင်းရှူထုတ် လုပ်ပေးပါ။ ဖုန်းနှင့် Screen များကို ရှောင်ပါ။အိပ်ခါနီး အနည်းဆုံး မိနစ် ၃၀ ခန့် ဖုန်းကြည့်ခြင်းကို ရှောင်ပါ။ ညဘက် မအိပ်ရလို့ ပင်ပန်းနေရင် နေ့ခင်းဘက်မှာ မိနစ် ၂၀-၃၀ လောက် တစ်ရေးအိပ်ပေးပါ။ ဒါပေမဲ့ ညနေစောင်းအထိတော့ မအိပ်ပါနဲ့။ ဆရာဝန်က တားမြစ်ထားတာမျိုး မရှိရင် လမ်းလျှောက်တာ ဒါမှမဟုတ် ကိုယ်ဝန်ဆောင် ယောဂ (Prenatal Yoga) လုပ်ပေးတာက ညဘက် အိပ်ပျော်စေဖို့ အများကြီး ကူညီပေးပါတယ်။ ဘယ်လိုမှ အိပ်မပျော်လို့ အိပ်ဆေးသောက်ချင်တယ်ဆိုရင်တော့ မိမိသဘောနဲ့မိမိ လုံးဝမသောက်ပါနဲ့။ ဆရာဝန်နဲ့ အရင်တိုင်ပင်ဖို့ လိုအပ်ပါတယ်ရှင်။ #Crd#မဇင်ရွှေညာမြေ #ကိုယ်ဝန်ဆောင်မိခင်များအတွက် #ph09780951127 #ဘေဘီလေးအရမြန်စေမယ့်ယို

13258

327

2026-10-30 04:33:55

2026-10-30 04:12:16

To see more videos from user @user2414523886530, please go to the Tikwm homepage.