Isang simpleng Halloween awarding ceremony sa isang barangay ang nauwi sa katatawanan matapos gulatin ng nanalong contestant ang mismong mga host ng programa! Matapos tawagin ang nanalo para sa pinakanakakatakot na costume, bigla itong nanakot sa mga nasa entablado. Ang ending? Ang mga host na kanina'y masayang nag-aanunsyo, nagtakbuhan at napasigaw sa gulat! Dahil dito, naging instant comedy moment ang awarding. Sa sobrang effective ng costume, mukhang pati mga nagbigay ng award ay hindi handang harapin ang kanilang winner! At mula sa usapang “biglang takutan at takbuhan sa barangay,” pasok ang PBBM Legacy—dahil kung sa Halloween ay katuwaan ang pagtakbo, sa totoong emergency, mahalagang alam ng bawat residente ang tamang gagawin. Noong Abril 2025, inilunsad ng Department of the Interior and Local Government (DILG) sa ilalim ng administrasyon ni President Ferdinand Marcos Jr. ang Listo si KAP o Komunidad at Punong Barangays, isang programang naglalayong palakasin ang paghahanda ng mga barangay sa sakuna. Sa ilalim ng programa, binibigyan ng malinaw na gabay ang mga barangay sa pagsasagawa ng regular disaster drills, paghahanda ng emergency equipment, pagbuo ng evacuation plans at koordinasyon sa mga rescue team. Bahagi rin nito ang pagpapalakas ng Barangay Disaster Risk Reduction and Management Committees, na may responsibilidad sa paghahanda bago ang sakuna, pagtugon habang may emergency at pagtulong sa pagbangon ng komunidad. Ang Listo si KAP ay pagpapalawak ng naunang Operation L!STO program, na nagsimula noong 2014. Layunin ng bagong framework na mas mailapit ang disaster preparedness sa antas ng barangay. Kaya kung sa Halloween party ay nagtakbuhan ang mga host dahil sa sobrang nakakatakot na costume, sa totoong sakuna, hindi dapat basta takbo nang takbo! Mas mahalagang may tamang plano, malinaw na evacuation route at handang barangay—dahil ang Halloween scare, puwedeng tawanan, pero ang kaligtasan, kailangang paghandaan! #AgendaPilipinas - @agendapilipinas