အဆိုးတွေပြီးရင်တော့ အကောင်းတွေရောက်လာဦးမှာပါ။ တစ်နေ့နေ့ပေါ့…။ အဲ့လိုလေး ကိုယ့်ကိုယ်ကို အားပေးပြီး မပြိုလဲအောင် ရပ်တည်နေတယ်။ တစ်ခါတလေ ဘဝက ထင်ထားသလို ဖြစ်မလာတဲ့အခါ၊ ကြိုးစားသမျှ အရာရာ အဆင်မပြေတဲ့အခါ၊ စိတ်ပင်ပန်းလွန်းလို့ ဘယ်သူ့ကိုမှ ရင်ဖွင့်မပြောနိုင်တဲ့အခါတွေ ရှိတတ်ပေမဲ့ ကိုယ်တိုင်ကလွဲပြီး ကိုယ့်ကိုယ်ကို အားပေးမယ့်သူ မရှိတဲ့နေ့တွေမှာတောင် ကိုယ့်ကိုယ်ကို အရှုံးမပေးဖို့ သတိပေးနေရတယ်။ ဒီနေ့ အဆင်မပြေတိုင်း ဘဝတစ်ခုလုံး အဆင်မပြေတော့မှာ မဟုတ်ပါဘူး။ ဒီနေ့ မပျော်ရွှင်ရတိုင်းလည်း နောက်နေ့တွေမှာ ပျော်ရွှင်ခွင့် မရှိတော့တာ မဟုတ်ပါဘူး။ အခုချိန်မှာ မျက်ရည်တွေနဲ့ ဖြတ်သန်းနေရပေမဲ့ တစ်နေ့နေ့မှာ အပြုံးတွေနဲ့ ပြန်လည်ရှင်သန်နိုင်မယ်လို့ ယုံကြည်ထားတယ်။ ဘယ်လောက်ပဲ ပင်ပန်းနေပါစေ ကိုယ့်ဘဝကို ကိုယ်တိုင် လက်မလျှော့ချင်သေးဘူး။ အရာရာကို အဆင်ပြေအောင် မလုပ်နိုင်ရင်တောင် အဆင်မပြေမှုတွေကြားမှာ ကိုယ့်စိတ်ကို မပျောက်ဆုံးအောင် တတ်နိုင်သလောက် ကြိုးစားနေဦးမယ်။ အခုအချိန်မှာ အကောင်းတွေ မရောက်လာသေးလည်း စိတ်ရှည်ရှည်နဲ့ စောင့်နေပါဦးမယ်။ ဘဝဆိုတာ အမြဲတမ်း အမှောင်ထဲမှာပဲ ရှိနေမှာ မဟုတ်ဘူးလေ။ တစ်နေ့နေ့မှာတော့ ကိုယ်ဖြတ်သန်းခဲ့ရတဲ့ နာကျင်မှုတွေကို ပြန်ကြည့်ပြီး အဲ့ဒီအချိန်တွေကိုတောင် ငါကျော်ဖြတ်နိုင်ခဲ့တာပဲ လို့ ကိုယ့်ကိုယ်ကို ဂုဏ်ယူနိုင်မယ့်နေ့လေး ရောက်လာမှာပါ။ အဲ့ဒီနေ့လေး မရောက်သေးခင်အထိတော့ ကိုယ့်ကိုယ်ကို အားပေးရင်း၊ ကိုယ့်ခြေလှမ်းကိုယ် လှမ်းရင်းနဲ့ မပြိုလဲအောင် ဆက်လက်ရပ်တည်နေဦးမယ်။ #crd_to_owner_with_respect - @aunglay.1984