@abaiaqparatkz: ⚡Жаңасемей ауданында инфрақұрылымдық мәселелер кезең-кезеңімен шешілуде Абай облысының әкімі Берік Уәли Жаңасемей ауданының тұрғындарымен кездесіп, өңірдің әлеуметтік-экономикалық дамуы мен алдағы жоспарлар туралы айтты. Биыл ауданда 29,9 млрд теңгенің ауыл шаруашылығы өнімі өндірілді. Жалпы құны 46,6 млрд теңге болатын 5 инвестициялық жоба жүзеге асырылуда. Шақаман ауылында 250 жұмыс орнын ашуға мүмкіндік беретін ет өңдеу кешенінің құрылысы аяқталды. Сонымен қатар ауданда жол жөндеу, ауыз сумен қамту, білім беру және денсаулық сақтау нысандарын жаңғырту жұмыстары жүргізілуде. Алдағы екі жылда 18 ауылға талшықты-оптикалық интернет тарту жоспарланған. Кездесуде тұрғындар жол, жарықтандыру және басқа да өзекті мәселелерді көтерді. Берік Уәли олардың кезең-кезеңімен шешілетінін айтып, жауапты тұлғаларға нақты тапсырмалар берді. Аймақ басшысы тұрғындарды жеке мәселелері бойынша да қабылдап, өтініштерін назарға алды. #AbaiAqparat #АбайОблысы

018.kz

Open In TikTok:

Region: KZ

Friday 30 October 2026 09:43:27 GMT