زندگی میں کچھ لوگ ایسے ملتے ہیں جن سے بچھڑنا ہماری مرضی نہیں، بلکہ وقت اور حالات کا فیصلہ ہوتا ہے۔ ہم لاکھ کوشش کریں کہ دل کو سمجھا لیں، یادوں سے دامن چھڑا لیں اور گزرے ہوئے لمحوں کو بھلا دیں، مگر کچھ چہرے، کچھ باتیں اور کچھ احساسات روح میں اس طرح اتر جاتے ہیں کہ عمر بھر ساتھ نہیں چھوڑتے۔ عجیب بات ہے نا کہ جن کے ساتھ زندگی گزارنے کے خواب دیکھے ہوں، ایک دن انہی کے بغیر جینے کا ہنر سیکھنا پڑتا ہے۔ پھر ایک ہی شہر کی فضاؤں میں سانس لیتے ہوئے بھی ایک دوسرے سے اجنبی بن کر گزرنا پڑتا ہے۔ دل چاہتا ہے کہ ایک بار پھر وہی دن لوٹ آئیں، وہی گفتگو ہو، وہی قربت ہو، مگر حقیقت یہ ہے کہ کچھ فاصلے چاہنے سے بھی ختم نہیں ہوتے۔ کبھی محبت کا تقاضا ساتھ رہنا نہیں بلکہ خاموشی سے دور ہو جانا ہوتا ہے۔ انسان سب کے سامنے خود کو مضبوط ظاہر کرتا ہے، مگر تنہائی میں ہر وہ لمحہ آنکھوں کو نم کر جاتا ہے جسے کبھی زندگی کا سب سے خوبصورت حصہ سمجھا تھا۔ شاید یہی محبت کی سب سے بڑی اذیت ہے کہ انسان کسی کو کھونے کے بعد بھی اس کے لیے دعائیں کرنا نہیں چھوڑتا، اس کی یادوں سے نکل نہیں پاتا اور دل کے کسی خاموش گوشے میں آج بھی اس کی واپسی کا منتظر رہتا ہے۔ . . . . . . . #urdupoetry #poetry #trending #foryoupage #foryoupageofficiall - @maheels.poetry