@leqalxeber.az: LEQAL XƏBƏR məlumat verir ki, NUFORC-un dərc etdiyi hesabata əsasən, ABŞ-nin Ohayo ştatı üzərində uçuş həyata keçirən mülki təyyarənin pilotları naməlum uçan obyekt müşahidə ediblər. "Daily Mail" nəşrinin məlumatına görə, hadisə 2026-cı il avqustun 16-da baş verib. Pilotlar gördükləri obyekt barədə dərhal ən yaxın hava limanının dispetçerinə məlumat veriblər. Hesabata əsasən, təyyarə təxminən 12 min metr yüksəklikdə olarkən pilotlar onlardan bir kilometr yuxarıda yerləşən, uzunluğu təxminən 10 metr olan hamar və gümüşü rəngli obyekt görüblər. Uzunsov, həb formasında təsvir edilən obyektin səthində hər hansı bükülmə və ya qat yeri müşahidə edilməyib. Bununla belə, təyyarənin toqquşma xəbərdarlığı sistemi işə düşməyib. Dispetçer isə radar ekranlarında həmin obyektin görünmədiyini bildirib. Pilotlardan birinin ehtimalına görə, naməlum obyekt təyyarənin keçməyə çalışdığı fırtına buludlarının arasından çıxıb. Onun fikrincə, mühərriklərin buzlaması və güclü turbulentlik kimi hava şəraiti nəzərə alınarsa, bu cismin hava şarı olması ehtimalı azdır. NUFORC ABŞ-nin Mülki Aviasiya üzrə Federal İdarəsini hadisə ilə bağlı məlumatların digər müvafiq qurumlara ötürülməsinə dair sübutların olmamasına görə tənqid edib. Mərkəzin ekspertləri belə hadisələrin lazımi qaydada araşdırılmamasının uçuş təhlükəsizliyi baxımından risk yarada biləcəyini bildiriblər. #uno #aviasiya #abş

Leqalxeber

Open In TikTok:

Region: AZ

Friday 30 October 2026 15:20:00 GMT