@incident.aktobe04: ӨТІНІШ Ақтөбе қаласы, Алматы ауданы аумағында орналасқан №3 қалалық полиция бөлімі, Ақтөбе қаласының №1 балалар-жасөспірімдер спорт мектебі және №53 орта мектеп маңындағы, шамамен 500 метрді құрайтын жол учаскесінің жағдайы өте нашар. Жолдың асфальт жабыны бұзылып,көптеген жері ойылып кеткен. Соның салдарынан автокөліктердің жүруі қиындап, көлік құралдарына зақым келу қаупі артып отыр. Сонымен қатар, бұл жолмен күнделікті мектеп оқушылары, спорт мектебінің тәрбиеленушілері және тұрғындар қатынайды. Осыған байланысты аталған жол учаскесінің жағдайын тексеріп, оның нақты техникалық жай-күйін анықтауды және ұзындығы шамамен 500 метр жолға жөндеу жұмыстарын жүргізуді сұраймыз. Жолдың жөндеуді қажет ететінін ескеріп, тиісті шаралар қабылдауыңызды өтінеміз. Сонымен қатар, өтінішіміздің қаралу нәтижесі, қабылданған шаралар және жөндеу жұмыстарын жүргізудің жоспарланған мерзімі туралы жазбаша түрде ақпарат беруді сұраймыз. Қазақстан Республикасының қолданыстағы заңнамасына сәйкес өтінішке жауап беру мерзімін де хабарлауыңызды өтінеміз. Мәселеге назар аударып, оң шешімін табуға ықпал етуіңізді өтінеміз. Алдын ала рақмет!

ИНЦИДЕНТ АКТОБЕ

Open In TikTok:

Region: KZ

Friday 30 October 2026 13:58:41 GMT