@yuyusoe0: 🌨️ ရန်ကုန်အပါအ၀င် မြစ်ဝကျွန်းပေါ်နဲ့ တောင် ပိုင်းဒေသတွေမှာ ဆောင်းရာသီ ဘယ်တော့မှ တကယ်ပီပြင်လာမလဲ။ နိုဝင်ဘာလထဲ ဝင်လာတော့မယ့်အချိန်မှာ ရန်ကုန်၊ ပုသိမ်၊ ပဲခူး၊ ဟင်္သာတ၊ သထုံ၊ မော်လမြိုင်၊ ဘားအံ နဲ့ တနင်္သာရီကမ်းရိုးတန်းဒေသတွေမှာ နေ့ခင်းဘက် ပူနေသေးပေမဲ့ ညဘက်မှာတော့ တဖြည်းဖြည်း အေးချင်သလိုလိုဖြစ်လာနေတာကို သတိထားမိကြမှာပါ။ ဒါပေမယ့် မိုးလွန်ကာလ လက်ကျန် အပူစိုထိုင်းဆက အေးတဲ့အရှိန်ကို နှေးထားသလိုဖြစ်နေပါတယ်။ ဒါဆို ဒီဒေသတွေမှာ ဆောင်းရာသီက ဘယ်အချိန် မှ စပြီး ပီပြင်လာမလဲ အနီးစပ်ဆုံးသိပါရစေလို့ ပြည်သူတွေ မေးလာတာကြောင့် ရက်ရှည်ကာလ အပူချိန်အနေအထားကို အတိတ်ကာလဖြစ်စဥ် တွေ၊လက်ရှိ ရာသီဥတုဖြစ်စဥ်တွေချိတ်ဆက်ပြီး ဆန်းစစ် သုံးသပ်ပေးလိုက်ပါတယ်။ ဒီဒေသတွေအနေနဲ့ နိုဝင်ဘာလလယ်ကစပြီး ညဘက်အပူချိန် လျော့နည်းလာတာကို ပိုသိသာစွာ ခံစားရနိုင်ပြီး နိုဝင်ဘာလနှောင်းပိုင်းမှ ဒီဇင်ဘာလအစောပိုင်းအတွင်း ဆောင်းရဲ့အရိပ်အယောင် ပိုမိုအားကောင်းပီပြင်လာနိုင်တယ်လို့ သုံးသပ်ပါတယ်။ ဘာကြောင့်လဲဆိုတော့ အနောက်တောင်မုတ်သုံလေ အားလျော့သွားပြီး အရှေ့မြောက်ဘက်က အေးမြခြောက်သွေ့တဲ့ လေစီးကြောင်းတွေ တဖြည်းဖြည်း လွှမ်းမိုးလာမှာကြောင့်ပါ။ ဒါပေမဲ့ မြစ်ဝကျွန်းပေါ်နဲ့ တောင်ပိုင်းဒေသတွေဟာ ပင်လယ်နဲ့ နီးကပ်တဲ့အတွက် အလယ်ပိုင်းဒေသတွေလို အပူချိန် အလျင်အမြန် ကျဆင်းမှာ မဟုတ်ပါဘူး။ ဘယ်လိုပြောင်းလဲလာနိုင်သလဲဆိုရင် 🔹 နိုဝင်ဘာ ပထမပတ် — နေ့ခင်း ၃၂–၃၆°C ဝန်းကျင်အထိ ပူနွေးနေဆဲဖြစ်နိုင်ပြီး ညဘက်မှာလည်း ၂၄–၂၆°C ဝန်းကျင် ရှိနိုင်ပါတယ်။ 🔹 နိုဝင်ဘာ လယ်ပိုင်း — ညအပူချိန် ၂၂–၂၄°C ဝန်းကျင်အထိ လျော့လာနိုင်ပါတယ်။ မနက်စောစောနဲ့ ညပိုင်းမှာ အေးမြမှုကို စတင်ခံစားရနိုင်ပါတယ်။ 🔹 နိုဝင်ဘာ နှောင်းပိုင်းမှ ဒီဇင်ဘာအစ — နေ့ခင်းအပူချိန် ၃၀–၃၂°C ဝန်းကျင်၊ ညအပူချိန် ၁၉–၂၂°C အထိ ကျဆင်းနိုင်တဲ့ အခြေအနေရှိပါတယ်။ ဒီကာလမှာတော့ ဆောင်းရဲ့အငွေ့အသက်ကို ပိုမိုခံစားလာရနိုင်ပါတယ်။ သတိပြုရမှာက ရန်ကုန်၊ ပုသိမ်နဲ့ ထားဝယ်လို ပင်လယ်နဲ့နီးတဲ့မြို့တွေမှာ ပင်လယ်ရဲ့အပူထိန်းသက်ရောက်မှုကြောင့် ညအပူချိန်ကျဆင်းမှု နှေးနိုင်ပါတယ်။ ဟင်္သာတ၊ ပဲခူးနဲ့ ဘားအံလို ကုန်းတွင်းပိုင်းသဘော ပိုရှိတဲ့ဒေသတွေမှာတော့ ညအေးမှုကို ပိုသိသာစွာ ခံစားရနိုင်ပါတယ်။ အဓိကသိထားရမှာက ဆောင်းရာသီပီပြင်လာတယ်ဆိုတာ ညဘက်အေးလာရုံနဲ့ မဆုံးဖြတ်နိုင်ပါဘူး။ နေ့ခင်းအပူချိန်လည်း တဖြည်းဖြည်းကျလာတာ၊ အရှေ့မြောက်လေ ပိုမိုအားကောင်းလာတာနဲ့ လေ ထုစိုထိုင်းဆ လျော့နည်းလာတာတို့ ပေါင်းစပ်လာ မှသာ ဆောင်းရာသီရဲ့သဘောသဘာဝ ပိုမိုပီပြင် လာမှာပါ။ ကျွန်တော်တို့ Teamရဲ့ လက်ရှိသုံးသပ်ချက်အရ မြစ်ဝကျွန်းပေါ်နဲ့ တောင်ပိုင်းဒေသတွေမှာ နိုဝင်ဘာလလယ်ကစပြီး ညဘက်အေးမြမှု သိသာလာနိုင်ပြီး ဒီဇင်ဘာအစောပိုင်းမှာ ဆောင်းရာသီရဲ့အရိပ်အယောင် ပိုမိုပီပြင်လာနိုင်ပါတယ်။ ရာသီဥတုအခြေအနေက အပတ်စဉ် ပြောင်းလဲနိုင်တာကြောင့် နောက်ဆုံးထုတ်ပြန်ချက်တွေနဲ့ ကျွန်တော်တို့ Team က Update လုပ်ပေးသွားမှာမို့ Follow & Share လုပ်ပြီး ကိုယ့်အသိမိတ်ဆွေတွေ ကို Caring လုပ်နိုင်ကြပါစေဗျ။ မေတ္တာဖြင့် 🌿 AI Info Team 🌿 📅 30 Oct 2026 | 20 : 30 PM Ref : ECMWF/ICOM/Mblue/TMD🇹🇭/DMH🇲🇲/CMA 🇨🇳

9678

208

There are no more comments for this video.

To see more videos from user @yuyusoe0, please go to the Tikwm homepage.