@..hossam92: شعوب العالم كانوا مستغربين ازاي المصريين بنوا الاهرامات وحرّكوا الحجارة التقيلة دي كلها؟! الإجابة جت من الدقهلية سواق تريلا اسمه “رأفت فريد حجازي”، وهو بيعدي المزلقان العربية عطلت، وفجأة جتله أزمة قلبية وتوفى وهو جوه العربية المشكلة إن التريلا وزنها أطنان وواقفة على المزلقان، والقطر جاي عليها، ولو دخل فيها كانت ممكن تحصل كارثة أهالي المنطقة نزلوا من العربيات والبيوت، ومن غير ترتيب ولا تجهيز، تجمعوا حوالين التريلا وبدأوا يزقوها بإيديهم واحد ينادي، والباقي يرد عليه، وكلهم يزقوا في نفس اللحظة، عشرات الناس فجأة بقوا إيد واحدة، لحد ما قدروا يحركوا التريلا من على القضبان، والحمد لله انقذوا الموقف وأنا بتفرج على الفيديو حسيت إن جينات الأجداد لسه موجودة هي دي مصر اللي بحبها مش مصر الجرايم والقسوة والأخبار اللي بتسد النفس اللي قعدنا نتكلم عنها الأيام اللي فاتت مصر الناس اللي أول ما يشوفوا مصيبة، مايسألوش مين ده ولا هيستفيدوا إيه ينزلوا يساعدوا، وفي ثواني تلاقي عشرات الغرباء بقوا على قلب راجل واحد هما دول اللي يستاهلوا يتشافوا ويتشكروا ويتكرموا وربنا يرحم الأستاذ رأفت فريد حجازي ويصبر أهله شعوب العالم كانوا مستغربين ازاي المصريين بنوا الاهرامات وحرّكوا الحجارة التقيلة دي كلها؟!

Bent masria :

ده كده كمان بعد الفراخ البيضا

Jo🦅🔞 :

نحن الفراعنة ف من انتم

Abo Alwalid :

فلسطيني يعشق مصر وشعب مصر

قــــدر🌑💗 :

مصرية وافتخر

صےــليےـ عےـلى آلنےـبےـيےـ♡ :

بعيط ليييهه دلوقتي وانا حلمي اني اطلع من مصر اصلا

Radwa Hamad :

الاجمل الناس اللى بتنشر الإيجابيات مش الناس إلى كل همها تسلط الضوء ع السلبيات

Mustafa Abouzeid :

هو محدش طلع ركب العربية مكان الراجل الي مات وساق و حركها ليه

Moka Abd El , Razek💗 :

مش هما الي حركوها استعانوا بقوم عاد

amira :

هذو هم مصريين الاصليين الجدعان وشهامة

✨غرآآم✨ :

ملناش كاتلوج وربنا محدش يتوقع تصرفاتنا😂❤️

Dina🎀💗 :

ياي بجد ماشاء الله ربنا يخليهم

Mariem Ebrahem :

مفيش سواق درجه اولى طيب بدل التعب دا يطلع يقعد ع الكرسي ويعديها😂

HAzem Hassan :

يعني هيا الحجارة كانت ب كوتشات

🕸 :

وليه كل دا ما اللي يعرف يسوق هيعرف يحركها🙂😃😂😂😂😂

Visitor :

هو في حل أسهل مفيش ولاه واحد من العشرات يعرف يسوق مكان السواق بدل الفرهده ديه طيب اتعطلت يعطوا فرصه بردوا لميكانيكي

اميرة نوفمبر🪶 :

ايوه كده برق عليكو هيا ي البوستات الي ينفع تنرفع وتنشاف ربنايحميكو أرض وشعب

𝒀𝒐𝒖𝒏𝒊𝒔 :

مش تكبر والله بس التاريخ و الحاضر بتوعنا مخلوش لينا فرصة للتواضع

🕊 :

محمد فوق السحابه☁️ :

كان بالتحديد في الدقهليه مديرية اجا الطريق بين اجا لي ميت غمر في قرية طنامل

Koko♥️ :

ام الدنيااا ♥️♥️♥️♥️♥️

Luca mando 🇺🇸 :

اي د؟

بن المصري ❤️‍🩹⚡️ :

والله هفضل احبك البلد برغم القرف الفيها دا بس بحب مصر ❤️❤️❤️❤️

M :

عاش يا رجالة مصر

ام عمر :

دة كمان دلوقتي بعد ما الطول والهيئة والبنية كلها اتغيرت

سِآنِمًيَ ❤ :

كلنا واحد [قلب أحمر]