@ceu.cung4: ၁၉ ရာစုနှစ်အလယ်ပိုင်း အိန္ဒိယနိုင်ငံမြောက်ပိုင်း၊ အာသံပြည်နယ်ရှိ ဂါရို (Garo) မျိုးနွယ်စုဝင် နို့ခ်ဆင်း (Nokseng) ဆိုသူ၏ အဖြစ်မှန်သမိုင်းကြောင်းကို အကြောင်းပြု၍ "I Have Decided to Follow Jesus" ("ယေရှုနောက်သို့ လိုက်ရန် ငါဆုံးဖြတ်ပြီ") ဟူသော ဓမ္မသီချင်း ပေါ်ပေါက်လာခဲ့ခြင်း ဖြစ်သည်။ ၁၈၈၀ ပြည့်လွန်နှစ်များတွင် သာသနာပြုတစ်ဦး၏ ဟောပြောမှုကြောင့် နို့ခ်ဆင်းနှင့် သူ၏မိသားစုသည် ခရစ်ယာန်ဘာသာကို စတင်ယုံကြည်သက်ဝင်ခဲ့ကြသည်။ ရွာသူရွာသားများစွာသည်လည်း နို့ခ်ဆင်း၏ ယုံကြည်ခြင်းကို အတုယူ၍ ယေရှုခရစ်ကို စတင်လက်ခံလာခဲ့ကြသည်။ ဤသည်ကို မကျေနပ်သော ရွာသူကြီးသည် ရွာသားအားလုံးကို စုစည်းပြီး နို့ခ်ဆင်းတို့ မိသားစုအား ယုံကြည်ခြင်းကို စွန့်လွှတ်ရန် သို့မဟုတ် သေဒဏ်ခံယူရန် အမိန့်ပေးခဲ့သည်။ ထိုသို့ ခြိမ်းခြောက်ခံရချိန်တွင် နို့ခ်ဆင်းသည် သန့်ရှင်းသောဝိညာဉ်တော်၏ ပြုပြင်ပေးမှုဖြင့် "I have decided to follow Jesus... No turning back" ဟု ရဲရင့်စွာ ကြွေးကြော်ခဲ့သည်။ ဒေါသထွက်သွားသော ရွာသူကြီးသည် ခေးပစ်သမားများကို အမိန့်ပေး၍ နို့ခ်ဆင်း၏ သားနှစ်ဦးကို ပစ်သတ်စေခဲ့သည်။ သားများသေဆုံးသွားသော်လည်း နို့ခ်ဆင်းက "Though no one joins me, still I will follow" ဟု ဆက်လက်သီဆိုခဲ့သည်။ ထို့နောက် ရွာသူကြီး၏ အမိန့်ဖြင့် သူ၏ဇနီးဖြစ်သူပါ ပစ်သတ်ခြင်း ခံခဲ့ရသည်။ မိသားစုတစ်ခုလုံး ဆုံးရှုံးလိုက်ရသော်လည်း နို့ခ်ဆင်းသည် သေဘေးကို မကြောက်ဘဲ "The cross before me, the world behind me" ဟူသော နောက်ဆုံးစာကြောင်းများကို သီဆိုကာ အသက်စွန့်ခဲ့သည်။ နို့ခ်ဆင်းတို့ မိသားစု၏ ယုံကြည်ခြင်းနှင့် ရဲရင့်မှုကို မြင်တွေ့လိုက်ရသော ရွာသူကြီးသည် စိတ်နှလုံးထိခိုက်သွားပြီး ထိုနေရာ၌ပင် ယေရှုကို လက်ခံခဲ့ကာ တစ်ရွာလုံး ခရစ်ယာန်ဘာသာသို့ ကူးပြောင်းခဲ့ကြသည်။ နောက်ပိုင်းတွင် ထိုစကားလုံးများကို အိန္ဒိယဓမ္မဆရာ ဆာဓုစွန်းဒါးဆင်းဂ် (Sadhu Sundar Singh) က သီချင်းအဖြစ် ပြုပြင်ရေးသားခဲ့ပြီး တစ်ကမ္ဘာလုံးသို့ ပျံ့နှံ့ကျော်ကြားသွားခဲ့သည်။

641

2026-10-31 03:03:45

2026-10-31 00:27:25

To see more videos from user @ceu.cung4, please go to the Tikwm homepage.