@musabko4: بغمّض عيوني عشان ألقاك، يا البعيد الساكن جوّة الروح، والما قادر الزمن ينزّعو منّي.. ❤️‍🩹 والله يا حبيب الروح، إنت بقيت الحتّة الجواي البمشي ليها كل ما الدنيا تتعبني، وبقيت الحلم البتعلّق بيهو عشان أقدر أتحمّل حقيقة إنك بعيد. مرات بتمنّى لو النوم يطوّل، ما عشان أهرب من الدنيا، بس عشان أقعد معاك شوية زيادة، وأشبع من قربك البخيل بيهو الواقع عليّ. ياخ الشوق ليك ده ما شوق زول مشتاق يشوف زول وخلاص، ده شوق روح لقت في روح تانية حاجتها، وبقت مهما لاقت في الدنيا ما بتكتفي إلا بيها. ولو قالوا الزول البتحس بيهو بحس بيك، أنا هسي بكتب ليك وقلبي كلّو أمل إنك تكون في نفس اللحظة دي، سرحان فيني زي ما أنا سرحان فيك.. لأنك ما بقيت زول بشتاق ليهو وبس، إنتي بقيت الزول البشتاق ليهو قلبي حتى في اللحظات البكون فيها مبسوط.. وكأنو فرحتي ذاتها ما بتكمل إلا بيك. 🫂💜🌸

Musabko

Open In TikTok:

Region: SD

Friday 30 October 2026 20:31:03 GMT