قالي جبت عربية وتكييف وتوأم في سنة واحدة ثاني يوم ولادي الاتنين ماتـ.وا‼️💔 أنا عبد الهادي محمد.. وجاي أحكي قصة وجعي اللي هدت حيلي وكسرت ضهري، قصة كلفتني روحي وقطعة من قلبي عشان الكل يفوق ويعرف إن عيون الناس بقت خراب! من أربع سنين وأنا ومراتي بنلف على الدكاترة، بنشرب المر وبنعد الساعات والايام ورا باب عيادة وعيادة، لحد ما ربنا كرمنا بفضله ورزقنا بـ "توأم".. فرحة مكنش الكون كله شايلنا، جهزنا هدومهم وحلمنا بكل لحظة هنشوفهم فيها. وبحكم إننا عايشين في أرياف "عنيفة" بالبصات والتلصص، ناس مابتشبعش ومابتصدق تشوف نعمة في بيت غيرها عشان تحسدها وتزولها، قررنا نكتم الخبر ونخبيه عشان نحمي فرحتنا من طلقات العيون. لكن الأقدار ليها كلام تاني مع ناس مفيهاش ذرة رحمة. جت واحدة جارتنا، بكل برود وسُم في طريقتها، بصت لمراتي وقالت لها بعين تفتح الحيط: "إنتي بطنك كبيرة كده ليه؟.. شكلك هتجيبي توأم!".. مراتي اتجمدت مكانها من الرعب، مكنتش قادرة تنطق، واضطرت تقولها آه.. ومن هنا بدأت الكارثة! والله ما هي إلا ساعات، وتاني يوم الصبح ع طول.. مراتي ولدت ولادة مبكرة وهي في الشهر السابع! دخلوا الحضانة، وطلعنا من صدمة الولادة لصدمة أبشع.. ناس بلا ضمير ولا إنسانية. جه واحد بكل وقاحة واستفزاز يقولي: "إيه ده؟ في سنة واحدة عربية وتكييف وتوأم مرة واحدة؟!".. حسيت إن روحي بتتسحب، رديت عليه بنبرة مقهورة: "يا راجل قول ماشاء الله".. فرفض يستغفر ربنا ورد بكل برود وقح: "يا عم أنا مش بحسدك، أنا بهزر!".. صرخت فيه وقلت له: "الحاجات دي مافيهاش هزار!".. بس الكلمة طلعت والعين كانت أصابت وخلصت الحكاية. مفيش أيام، والاتنين ماتوا! اتقفل باب الحضانة عليهم.. واحد ورا التاني في خلال يومين بس، وهما حالتهم كانت كويسة ومفيش أي سبب طبي منطقي للموت! ضاعوا الاتنين في غمضة عين، وراحت تعب سنين وسنين، واتحرمنا من حضنهم وريحتهم عشان شوية عيون مابتصليش على النبي ولا بتعرف ربنا! دي حاجة تقهر القلب وتفطر الروح، وجع مفيش أي عقل يتحمله ولا هيحس بناره غير أب وأم داقوا مرارة الفقد بعد أمل طويل. الناس بقت بتموت في زوال النعمة، ومحدش بيحب الخير لحد خالص! الخلاصة اللي خرجت بيها من بين جثث أحلامي "داري على شمعتك تنور"، وعمر ما أي خير في حياتك المفروض يخرج للعلن.. لا لقريب ولا لغريب، لأن القلوب بقت سودا والعيون بقت تخترق الحجر! أرجوكم.. ادعوا لهم بالرحمة، وادعوا لمراتي وليا إن ربنا يربط على قلوبنا ويصبرنا على الفراق اللي بيموتنا كل ثانية. يا عبد الهادي متقلقش.. زي ما ربنا رزقك بتوأم هيرزقك تاني، وربنا يصبرك يا حبيبي."❤️‍🩹 - @92m26