@lwin.aung538: ဒီလိုလေး အာရုံပြုပြီး ကန်တော့ပါ ********** ဖတ်ကြည့်နော်… #ယခုလို... သီတင်းဝါလကျွတ်တဲ့အခါမှာ မိမိတို့ရဲ့ မိဘ ဆရာသမားတို့ကို ကန်တော့ကြတာဟာ အလွန်မှ ချစ်စရာ ကြည်နူးစရာ ကောင်းတဲ့ မြန်မာတို့ရဲ့ ယဉ်ကျေးမှုလို့ ပြောရမှာပါပဲ။ #ကန်တော့နည်း * မကန်တော့ခင်လေးမှာ... အဖေ အမေ ( သို့မဟုတ် ) ဆရာမားတို့ရဲ့ ဂုဏ်ကျေးဇူးကို မိမိဉာဏ်မှီသမျှ မြင်အောင် ကြည့်ပါ၊ (ကြည့်ဆိုတာ စဉ်းစားခိုင်းတာပါ) ပြီးမှ… ကိုယ်ဉာဏ်မှီသမျှ စဉ်းစားမိတဲ့ ဂုဏ်ကျေးဇူးကို အာရုံပြုပြီး ကန့်တော့ပါ။ #လှူဒါန်းနည်း * အဖေ'အမေ ( သို့မဟုတ် ) ဆရာသမားကို လှူဒါန်းမည့် ပစ္စည်းကို မိမိရဲ့ လက်နှစ်ဖက်နဲ့ သေချာကိုင်ပြီး အဖေ'အမေ ( သို့မဟုတ် ) ဆရာသမားရဲ့ လက်ထဲမှာ ရိုရိုသေသေ ထည့်ကာ လှူဒါန်းပါ။ (ဒါမှသာ သက္ကစ္စဒါန မြောက်ပါသည်) #တောင်းပန်ပါ ******** ပုထုဇဉ်ဆိုတာ ပြစ်မှားမိတတ်ပါတယ်။ အဲဒီ အပြစ်တွေ ပြေပြောက်ဖို့... အဖေနဲ့ အမေ သားတို့ သမီးတို့ အဖေ အမေတို့ရဲ့ အပေါ်မှာ ကာယကံ၊ဝစီကံ၊မနောကံ ကံသုံးပါးတို့တွင် တစ်ပါးပါးသောကံဖြင့် အကယ်၍ ပြစ်မှားမိခဲ့တာရှိရင် ခွင့်လွှတ်ပေးပါ အဖေနဲ့ အမေ...ဆိုပြီး လက်အုပ်ချီကာ တောင်းပန်ပါ။ အဲဒီလို သိတတ် နားလည်တဲ့ သား သမီးအပေါ်မှာ မိဘရဲ့မေတ္တာ ပိုပြီး ရလို့... အဲဒီ သား သမီး ဘုန်းကြီးပါတယ်။ ဘေးရန်ကင်းပါတယ်။ ကျေးဇူးသိတတ်သော သားမြတ် သမီးရတနာများ ဖြစ်ကြပါစေ။ Credit-ဦး တေ ဇိန္ဒ(ဓမ္မ အလင်းရောင်) မေတ္တာဖြင့်… အရှင်ပုည( ဝကုန်း ) မဟာအောင်မြေကျောင်းတိုက် နေပြည်တော် တပ်ကုန်းမြို့