गए रातिदेखि परेको अविरल वर्षाका कारण विभिन्न राष्ट्रिय राजमार्गका केही स्थानमा सडक अवरुद्ध भएका छन्। अवरोध हटाई यातायात सुचारु गर्न आवश्यक जनशक्ति तथा उपकरण परिचालन गरी काम भइरहेको छ। १. बी.पी. राजमार्ग : पिन्थलीलगायतका स्थानमा लेदो तथा गेग्रान जम्मा हुँदा सडक अवरुद्ध भएको छ। अवरोध हटाई सडक सञ्चालनमा ल्याउने लक्ष्यसहित काम भइरहेको छ। २. कान्ति राजमार्ग : मकवानपुर खण्डमा सडक सञ्चालनमा रहे पनि ललितपुरको छपेलीलगायतका स्थानमा अवरुद्ध भएको छ। अवरोध हटाई यातायात सुचारु गर्ने काम भइरहेको छ। ३. मालढुङ्गा -बेनी- जोमसोम सडक : यस सडक अन्तर्गत लामाखेत, महाभीर, कागबेनी, छुसाङ र छोसेरलगायतका स्थानमा सडक अवरुद्ध भएको छ। अवरोध हटाउन जनशक्ति तथा उपकरण परिचालन गरिएको छ। वर्षा जारी रहेकाले मौसम र सडक सुरक्षाको अवस्था मूल्याङ्कन गरी यातायात सञ्चालन गरिनेछ। अवरुद्ध सडकहरू यथाशीघ्र सञ्चालनमा ल्याउन पूर्वाधार विकास मन्त्रालय अन्तर्गत सडक विभाग र अन्तर्गतका डिभिजन कार्यालयहरुलाई सक्रिय रुपमा परिचालन गरिएको छ । - @pmonepal