@elhami1989gmal: قبل ما أتزوج، كنت خاتة شروط واضحة على زوجي: لازم نسكن برانا، حتى لو في أوضة فوق بيت أهله، ويكون لي مطبخ براي، ومافي زول يدخل علي أو يتحكم فيني. بصراحة، كنت خايفة من المشاكل، خصوصًا إنه عنده أختين ومرت أخ.. وكنت دايمًا أقول ليه من الأول: أحب الحدود تبقى واضحة. وهو يقول لي: يا ستهم مافي زول حيأذيكي وإنتي حتبقي مرتاحة.. وأنا أقول يمكن ده في الأول بس وبعدين الناس بتتغير. المهم، اتزوجنا ودخلت بيتي.. وبحكم إني بشتغل، كنت لما أرجع أطلع على شقتي على طول.. كنت بسيب أكل من العشا للفطور. لقيت كل يوم واحدة من أخواته أو مرت أخوه طالعة لي بصينية غدا ليّ ولزوجي.. وفي يوم الجمعة يعملوا محاشي ومكرونة بشاميل وفراخ، وحماتي تقول لي: ماتعملي غدا يوم الجمعة أنا حا اجيبو ليك فوق. لما أمشي لأهلي، مافي واحد منهم كان بيتدخل ولا يضايقني.. عدت حوالي 3 شهور مافي زول دق بابي ولا طلب مني حاجة، بالعكس كانوا دايمًا في ضهري. بعدها لما حملت وبدأت أتعب، حماتي قالت لي: ح ارسل ليك البنات يساعدوكي، في الأول اتكسفت أقبل، بس بعدين وافقت.. طلعولي نضفو لي البيت ومسحوا وفرشوا وكل حاجة، وأنا مادخلت المطبخ طول فترة حملي غير كم يوم. ولما ولدت، حماتي قعدت معاي 10 أيام شايلة البيت والبيبي على كتفها.. وأهلي جو يزوروني زي الضيوف، وكانوا بلقوا كل حاجة معمولة. ولما نزلت بيت أهلي شوية، كل ما واحدة تطلع تنضف شقتي، حماتي تستأذن الأول وتستنى زوجي يكون موجود.. رجعت لقيت شقتي نضيفة ومعطرة. وحماتي قالت لي: أنا بقول ليك العندي وإنتي حرة، ما بفرض عليك حاجة.. لو عايزة تسيبي البيبي عندي وإنتي في الشغل أنا تحت أمرك مع عماته وأولاد عمه.. وبصراحة، وفرت علي تعب المشاوير، لأني كنت ناوية أوديه لماما كل يوم وأنا ماشة وأرجع أخده وأنا راجعة من الشغل. وتاني يوم مشيت الشغل وخليته معاهم، لما رجعت لقيته نضيف ونايم.. وقتها فهمت ليه مرت أخوه ما طلعت من عندهم.. ناس محترمين ماعندهم جو الغيرة والمشاكل. لا بيتدخلوا في حياة زول ولا بتكلموا على زول ولا بيحقدوا. كل واحدة في حالها، ويضحكوا ويعدوا يومهم بهدوء ويمشوا شغلهم أو دراستهم.. مازعلو مني لما طلبت شقتي لوحدي ولا أخدوا في نفسهم، بالعكس قابلوني بالمحبة.. بصراحة، اتعلمت منهم كتير. ما كل الحموات والنسايب زي بعض في ناس فعلاً تستاهل كلمة ربنا يبارك ليهم.

تهامي باشا

Open In TikTok:

Region: SD

Saturday 31 October 2026 08:17:51 GMT