#በቤተክርስቲያናችን_መቋሚያ_ማለት_ምን_ማለት_ነውአገልግሎቱስ_ምንድን_ነው ? 🚥🚥🚥🚥🚥🚥🚥🚥🚥🚥🚥 መቋሚያ ማለት መደገፊያ ፣ መመርኮዣ ማለት ነው። ምሳሌነቱ እግዚአብሔር ለአዳም ተስፋ አድርጎ የሰጠው የመስቀል ምሳሌ ነው። በመሆኑም ቅዱስ ያሬድና አባ እንጦንስ በማኅሌትና በጸሎት ወይም በሰዓታት ጊዜ መቋሚያ እንዲያዝ አድርገዋል። በመሆኑም ቅዱስ እንጦንስ በጸሎት ጊዜ፣ ቅዱስ ያሬድ በማኅሌት ጊዜ መቋሚያን ተጠቅመዋል። ሙሴ ባህረ ኤርትራን የከፈለበት በትረ መስቀልን በትከሻው ይዞ (ንሴብሆ ለእግዚአብሔር ስብሃ ዘተሰብሃ) በማለት ያመሰገነውን ምስጋና የሚያሳስብ እንደሆነ ሊቃውተ ቤተክርስቲያን ያስተምራሉ። መቋሚያ ጌታችን መድኃኒታችን ኢየሲስ ክርስቶስ የተሸከመውና የተሰቀለበት ቅዱስ መስቀል ምሳሌ ነው። በሥርዓተ ማህሌት ጊዜ መዘምራኑ መጀመሪያ መቋሚያቸውን ከላይ ወደ ታች ያደርጉታል። ይህም ጌታችን መድኃኒታችን ኢየሱስ ክርስቶስ ከሰማይ ሰማያት መውረዱን ከቅድስት ድንግል ማርያም ከሥጋዋ ሥጋ ከነፍሲዋ ነፍስ ነስቶ መወለዱን ያመለክታል ከዚያም ዓለምን ዞሮ ማስተማሩን ለማጠየቅ መቋሚያውን ከግራ ወደ ቀኝ ያሽከረክሩታል። መዘምራኑ መቋሚያቸውን ከግራ ወደ ቀኝ ከቀኝ ወደ ግራ የሚያደርጉት ጌታችን ኢየሱስ ክርስቶስ ከሐና ቀናት ከጲላጦስ ወደ ሄሮድስ መመላለሱን መከራ መቀበሉን ለማሳሰብ ነው። መቋሚያውን ወደ መሬት የሚደስቁት የማይሞተው አምላክ በሥጋው ሞቶ ወደ መቃብር ወረደ ሲሉ ነው። ወደ መሬት የደሰቁትን መልሰው ወደ ላይ ማንሳታቸው ጌታችን መድኃኒታችን ኢየሱስ ክርስቶስ ሞትን ድል አድርጎ መነሳቱን ለመመስከር ነው @eyasu waltengues @Tibebe yiheyis @Diya Z bex kebede @አቤል በገና @Amanuel @Abu 21 @brektina @Eden Israel - @mekdiwalt