@qogamdyq_kelisim_krg: Қарағанды облысының Достық үйінде «Ихлас» Қарағанды облыстық татар-башқұрт этномәдени бірлестігінің ұйымдастыруымен дәстүрлі «Чак-Чак Байрам» мерекесі өтті. Мерекенің басты символы – чак-чак. Татар және башқұрт халықтарының дәстүрлі тәтті тағамы қонақжайлылықтың, отбасылық жылулықтың, береке мен ізгі тілектің белгісі болып саналады. Мерекелік бағдарламаға Ақтас кентінен келген «Якташлар» этномәдени бірлестігі, Теміртау қаласының «Дуслык» фольклорлық ансамблі, сондай-ақ «Нурби» үлгілі хореографиялық ансамблі қатысты. Концерттік бағдарлама қазақ және татар-башқұрт халықтарының ұлттық әуендеріне, әсерлі әндер мен әсем би қойылымдарына толы болды. Көрермендер татар және башқұрт халықтарының музыкалық дәстүрлерімен танысып, «Мәтрүшкәләр», «Әни», «Тала-тала», «Ай җаный», «Карауҗа авылы көе», «Аллага шөкер» және басқа да шығармаларды тамашалады. Іс-шараның ерекше бөліктерінің бірі – «Мәдениетті таны» атты интерактивті викторина болды. Қатысушылар татар және башқұрт халықтарының салт-дәстүрлері, ұлттық тағамдары, ана тілі мен халықтық музыкалық аспаптары туралы білімдерін сынады. Мереке барысында чак-чактың символдық мәніне ерекше назар аударылды. Жүргізушілер атап өткендей, біртұтас тәтті тағамға біріктірілген көптеген бөлшектер қоғамымыздың бейнесін көрсетеді. Өйткені елдің күші – бірлікте, өзара құрмет пен татулықта. «Чак-Чак Байрам» халықтар достығын нығайтып, ұрпақтар сабақтастығын дәріптеген, мәдени әралуандыққа деген құрметті арттырған жарқын мерекеге айналды.

Қоғамдық келісім Қарағанды🇰🇿

Open In TikTok:

Region: KZ

Saturday 31 October 2026 11:29:24 GMT