النيه كانت اني اسوي دجاج شواية ورز بخاري بطاوة وحده والنتيجه كانت لذيذة لكن ماهو بخاري 🙃في شي ناقص مادري وش بس الصدق الوصفه تستاهل التجربه فا جربوها !💓🫡 - بخاري دجاج الشواية بطاوة وحدة 🍗🍚 المقادير: تتبيلة الدجاج: افخاذ دجاج مع الجلد ومنزوعة العظم + زبادي + معجون طماطم + صويا صوص معتدلة + زيت + عصير ليمون + ثوم + بابريكا + كمون + كزبرة ناشفة + فلفل اسود + كركم + ملح. مكونات البخاري: رز بسمتي + بصل + ثوم + جزر + زبيب + طماطم معصورة + معجون طماطم + زيت + زبدة + قرفة + كمون حب + كزبرة ناشفة + فلفل اسود + ملح + رشة سكر + موية. الطريقة: 1. اول شي نتبل الدجاج بكل مكونات التتبيلة ونخليه بالثلاجة ساعتين على الاقل. 2. في طاوة واسعة نحط الزيت والزبدة ونشوح الجزر لين يلين شوي بعدها نضيف الزبيب ونقلبه لين ينتفخ ونشيلهم على جنب. 3. بنفس الطاوة نحمر الدجاج من الجهتين لين ياخذ لون حلو ونشيله على جنب. 4. بعدها نشوح البصل والثوم وكمون الحب زين ونضيف معجون الطماطم والطماطم المعصورة ورشة سكر وباقي البهارات ونخلي الخلطة تتسبك. 5. نضيف نص كمية الجزر المحمر والموية والملح ونخليها تغلي بعدها نضيف الرز المنقوع والمصفى ونتركه لين يتشرب اغلب المرق. 6. نرجع نوزع الدجاج فوق الرز ونغطي الطاوة على نار هادية لين يستوي الرز والدجاج تماماً. 7. بعد ما يستوي ممكن ندخن الدجاج والرز تدخين خفيف بس هالخطوة اختيارية 8. اخر شي نزينه بباقي الجزر والزبيب وشرائح الليمون ونقدمه مع شطة وسلطة الزبادي. وعليكم بالف عافية! 💓 - @noor3_33