@dewanegillani: کبھی کبھی انسان کسی دوسرے شخص کو اپنی زندگی میں اتنی اہمیت دے بیٹھتا ہے کہ اسے اپنی ذات کی اہمیت ہی یاد نہیں رہتی، وہ اپنے خوابوں کو اس امید پر مؤخر کرتا رہتا ہے کہ شاید ایک دن اس کی محبت بھی اس کے خوابوں کی قدر کرے گی، مگر زندگی ہمیشہ ہماری امیدوں کے مطابق نہیں چلتی محبت میں کسی کے لیے اپنی خواہشات کا خیال رکھنا، اس کی خوشیوں کو اپنی خوشیوں پر ترجیح دینا اور اس کے مشکل وقت میں اس کا ساتھ دینا یقیناً خوبصورت احساسات ہیں، لیکن جب یہی قربانیاں یک طرفہ ہو جائیں تو انسان آہستہ آہستہ اپنی ہی زندگی میں اجنبی بننے لگتا ہے اس کی صبحیں کسی دوسرے کی توجہ کی منتظر ہوتی ہیں، اس کی شامیں کسی کے چند لمحوں کی محتاج ہو جاتی ہیں اور اس کے مستقبل کے وہ سارے منصوبے کہیں پیچھے رہ جاتے ہیں جنہیں کبھی اس نے بڑی محبت سے اپنے لیے سجایا تھا سب سے زیادہ تکلیف اس وقت ہوتی ہے جب انسان کو احساس ہوتا ہے کہ جس شخص کی خاطر اس نے اپنی زندگی کے کئی قیمتی سال گزار دیے، اس کے لیے شاید یہ سب کبھی اتنا اہم تھا ہی نہیں، جسے وہ اپنی قربانیوں کی کہانی سمجھتا رہا، دوسرے کے لیے وہ محض ایک معمولی سا ساتھ تھا مگر ایک بات ہمیشہ یاد رکھنا، محبت کا مطلب اپنی ذات کو مٹا دینا نہیں ہوتا، کسی کے لیے اپنے خواب چھوڑ دینا محبت کی دلیل نہیں اور نہ ہی اپنی پوری زندگی کسی کی مرضی کے حوالے کر دینا وفاداری ہے جو محبت تمہیں اپنے خوابوں سے محروم کر دے، وہاں ایک لمحہ رک کر خود سے ضرور پوچھنا کہ کیا تم نے کسی کو اپنی زندگی میں جگہ دی ہے یا اپنی پوری زندگی ہی اس کے نام کر دی ہے کیونکہ آخر میں انسان کو صرف کسی کے ساتھ کی نہیں بلکہ اپنی ادھوری رہ جانے والی زندگی کا حساب بھی دینا پڑتا ہے۔۔۔۔۔۔۔۔۔۔۔۔۔۔منم نوکر گیلان
