@almecky_tz: Serikali ya Mapinduzi ya Zanzibar imetangaza kupandisha vima vya chini vya mishahara kwa wafanyakazi wa sekta binafsi, ikiwa ni sehemu ya juhudi za kuboresha maslahi ya wafanyakazi na kukabiliana na gharama za maisha. Akizungumza na waandishi wa habari Zanzibar, Waziri wa Kazi, Ajira, Vijana na Uwezeshaji, Ali Suleiman Mrembo amesema hatua hiyo imekuja baada ya Wizara kupitia Kamisheni ya Kazi na Bodi ya Ushauri ya Mishahara kufanya mapitio ya viwango vya chini vya mishahara katika sekta hiyo. Kwa mujibu wa viwango vipya vilivyotangazwa, wafanyakazi wenye mikataba ya maandishi katika taasisi za sekta binafsi watalipwa shilingi 450,000 kwa mwezi kutoka shilingi 347,000 za sasa, huku wafanyakazi wa taasisi ndogo zilizoainishwa katika kanuni wakipandishiwa kutoka shilingi 250,000 hadi shilingi 300,000 kwa mwezi. Aidha, wafanyakazi wa kutwa wenye ujuzi watalipwa shilingi 35,000 kwa siku kutoka shilingi 30,000, wakati wasio na ujuzi watalipwa shilingi 30,000 kutoka shilingi 25,000 kwa siku. Katika kundi la wafanyakazi wa majumbani, wanaoishi katika nyumba za waajiri watalipwa shilingi 110,000 kwa mwezi kutoka shilingi 100,000, huku wale wasioishi katika nyumba za waajiri wakilipwa shilingi 130,000 kutoka shilingi 120,000 kwa mwezi. Kwa upande wa wafanyakazi wa kigeni, kiwango cha chini cha mshahara kimepandishwa kutoka dola za Marekani 1,000 hadi dola 1,500 kwa mwezi. Waziri Ameir amesema Serikali imetoa kipindi cha miezi mitatu kwa waajiri wa sekta binafsi kufanya maandalizi ya bajeti na kurekebisha mifumo ya mishahara kabla ya kuanza kutekeleza viwango hivyo kuanzia Januari mosi mwaka 2027. #Zanzibar #Tanzania #Habari #Football #Trending

almecky_tz

Open In TikTok:

Region: TZ

Saturday 31 October 2026 12:40:07 GMT