BT_Writes 🦋 وہ کہتی ہے کہ تم کامیاب ہو جاؤ، تمہارے خوابوں کو حقیقت کے رنگ مل جائیں، تمہاری محنت ایک دن دنیا کو نظر آئے، تمہارے نام کے چرچے ہوں، اور تمہاری زندگی خوشیوں سے بھر جائے۔ وہ میرے لیے دعائیں بھی کرتی ہے، میرے اچھے مستقبل کے خواب بھی دیکھتی ہے، میری کامیابی پر خوش ہونے کی باتیں بھی کرتی ہے، مگر شاید وہ یہ بھول جاتی ہے کہ کامیابی صرف دعاؤں سے نہیں ملتی، اس کے لیے راتوں کی نیند، دن کا سکون اور اپنوں سے دوری بھی سہنی پڑتی ہے۔ میں جب اپنے کام میں مصروف ہو جاتا ہوں، اپنے کل کو بہتر بنانے میں لگ جاتا ہوں، اپنے خوابوں کی خاطر خود سے لڑتا ہوں، تو وہ مجھ سے ناراض ہو جاتی ہے، میرے وقت نہ دینے پر شکایت کرتی ہے، اور کبھی کبھی تو یوں لڑتی ہے جیسے میری مصروفیت میری محبت کی دشمن ہو۔ کاش وہ سمجھ پاتی کہ میری خاموشی بے رخی نہیں، میری مصروفیت مجبوری ہے، میرا کام سے جڑے رہنا اسے بھول جانے کی نشانی نہیں، بلکہ اسی مستقبل کی تیاری ہے جس میں میں اسے اپنے ساتھ خوش دیکھنا چاہتا ہوں۔ عجیب تضاد ہے اس کی محبت میں، وہ چاہتی ہے کہ میں آسمان کو چھو لوں، مگر جب پرواز کے لیے پر پھیلاتا ہوں، تو اسے میری دوری محسوس ہونے لگتی ہے۔ وہ چاہتی ہے کہ میں کامیاب ہو جاؤں، مگر کامیابی کی راہوں میں جو وقت مجھے خود کو دینا پڑتا ہے، وہ وقت اسے اپنا حق چھنتا ہوا لگتا ہے۔ میں مانتا ہوں کہ محبت میں وقت ضروری ہے، چند لمحے، چند باتیں، ایک احساس ضروری ہے، مگر کیا میری محنت کو سمجھنا بھی محبت نہیں؟ کیا میرے خوابوں میں میرا ساتھ دینا بھی محبت نہیں؟ میں اسے کھونا نہیں چاہتا، اور اپنے خواب بھی ادھورے نہیں چھوڑ سکتا، میں چاہتا ہوں کہ وہ میری تھکن سمجھے، میرے لہجے کے پیچھے چھپی پریشانی سمجھے، میرے آج کی محنت میں اپنا کل دیکھے۔ بس اتنی سی خواہش ہے میری، وہ میری کامیابی کی دعا بھی کرے، اور میری محنت کے دنوں میں میرے خلاف نہیں، میرے ساتھ کھڑی رہے۔ کیونکہ میں جو کچھ بننے کی کوشش کر رہا ہوں، اس میں صرف میرا نام نہیں ہوگا، میرے ہر خواب کی تکمیل میں اس کی محبت کا بھی مقام ہوگا۔ میں آج اسے وقت کم دے رہا ہوں، مگر اس کا مطلب یہ نہیں کہ محبت کم ہے، میں بس اپنے کل کو سنوار رہا ہوں، تاکہ آنے والے کل میں اسے محبت کے ساتھ ساتھ سکون بھی دے سکوں۔ کاش وہ یہ سمجھ لے کہ میں اس سے دور نہیں جا رہا، میں تو ایک بہتر کل کی طرف بڑھ رہا ہوں، اور دل میں آج بھی اسے ہی رکھ کر اپنے خوابوں کے لیے لڑ رہا ہوں۔ #fyp #foryoupage #1millionaudition - @noor_writes786b