@ashim_tamanglopchan: व्यक्तिवादी, आत्मकेन्द्रित र अहंकारी सोच बोकेर आफ्ना वरिपरि केही चाकडीबाज र चम्चेहरू जम्मा गर्दैमा पार्टी बन्दैन। पार्टी कुनै व्यक्तिको निजी कम्पनी होइन, न त केही सीमित व्यक्तिको स्वार्थ पूरा गर्ने अखडा नै हो। जब पार्टीभित्र विधि, विधान, लोकतान्त्रिक अभ्यास र योग्यताको कदर हुँदैन, जबसम्म टिके प्रथा, गुटबन्दी र चाकडीको राजनीतिले प्रश्रय पाइरहन्छ, तबसम्म पार्टीको रूपान्तरण त परै जाओस्, समाज र देश परिवर्तनको सपना देख्नु पनि हास्यास्पद हुन्छ। नेतृत्वले बुझोस्—पार्टी केही व्यक्तिको जयजयकारले होइन, कार्यकर्ताको त्याग, योगदान, विचार र सामूहिक सङ्कल्पले चल्छ। अब पनि आत्मसमीक्षा नगर्ने, गलत प्रवृत्तिलाई संरक्षण गर्ने र योग्य व्यक्तिलाई पाखा लगाउने हो भने त्यसको मूल्य नेतृत्वले चुकाउनुपर्नेछ। समयमै चेतना आओस्! नत्र असन्तुष्टिको आगोले संगठनको जग नै हल्लाउनेछ। इतिहासले अवसर पनि दिन्छ, दण्ड पनि दिन्छ। हेक्का रहोस्!