#ما كل أبتسامة وراها راحة *اقراء المكتوب👇 نحن ناس بنمشي في الدنيا دي بقلوب صافية، وما بنحمل في صدورنا غير الخير.. نضحك رغم التعب، ونجامل الأيام حتى وهي قاسية علينا ما لأنو الحياة سهلة، لكن لأنو اتعلمنا إنو عزة نفسنا والصبر أغلى من أي شي. بنقع مرات، ويمكن نتكسر من جوة، لكن بنقوم تاني ونلم روحنا بإيمان كبير، وننفض غبار الخيبات ونقول: "الحمد لله"؛ لأننا عارفين إنو رب الخير ما بجيب إلا الخير. ما كل ابتسامة وراها راحة، لكن أحياناً الابتسامة نفسها بتكون شكل من أشكال القوة.. والقوة الحقيقية إنك تواصل رغم كل الحاصل. مؤمنين إنو الراح ما كان نصيب، وإنو الجاي بإذن الله أجمل وأوسع وأحن... عشان كدا بنعيش بالأمل، ونستقبل بكرة بقلب مطمئن. الجايات أكثر من الرايحات، ورحمة ربنا أكبر من كل الحكايات. - @ahmedshalqami