@lawyereskedaraweke2: ⚖️በከተማ መሬት ይዞታ ይርጋ ላይ የተሰጠ አስገዳጅ የሰበር ውሳኔ! ⚖️⚖️⚖️⚖️⚖️⚖️⚖️⚖️⚖️⚖️⚖️⚖️⚖️⚖️⚖️⚖️⚖️ የፌደራል ጠቅላይ ፍርድ ቤት ሰበር ሰሚ ችሎት በሰባት ዳኞች በምልዓተ ጉባኤ በሰጠው አዲስ ውሳኔ፣ በከተማ መሬት ይዞታ መብት ክርክር ላይ ለዓመታት ሲያጋጭ የነበረውን የሕግ ክፍተትና የቅድመ-ሰበር ውሳኔዎች መቃረን ሙሉ በሙሉ የሚፈታ አዲስ አስገዳጅ የሕግ ትርጉም ሰጥቷል። ይህ ውሳኔ የቀድሞውን የሰ/መ/ቁ 210477 ሕጋዊ ትርጉም በግልጽ በመለወጥ አዲስ መመሪያ አስቀምጧል። 🔑 የጉዳዩ መነሻ ፍሬ ነገር የክርክሩ መነሻ በአዲስ አበባ ከተማ (ለሚ ኩራ ክፍለ ከተማ) የሚገኝ 2,000 ካ.ሜ የከተማ መሬት ይዞታን ይመለከታል። ተጠሪ (ከሳሽ) "ይዞታዬን በሕገ-ወጥ መንገድ ተነጥቄአለሁ፣ በፍ/ብ/ሕ/ቁ 1206 መሠረት የመፋለም ክስ አቅርቤአለሁ" በማለት ይዞታው እንዲመለስለት ጠይቋል። አመልካች (ተከሳሽ) በበኩሉ ይዞታውን ከ10 ዓመታት በላይ በእጄ አድርጌ የያዝኩት በመሆኑ ክሱ በይርጋ (Limitation Period) ሊታገድ ይገባል በማለት ተከራክሯል። የመጀመሪያ ደረጃ ፍርድ ቤት ክሱ በይርጋ ይታገዳል ሲል፣ ከፍተኛው ፍርድ ቤት ደግሞ "የመፋለም ክስ በይርጋ አይታገድም" በሚል የሰ/መ/ቁ 43600ን በመጥቀስ ውሳኔውን ሽሮት ነበር። ⚖️ ዋናው የሕግ ጭብጥ የከተማ መሬት ይዞታን ሕገ-ወጥ አድርጎ ከያዘ ሰው ላይ ለማስመለስ የሚቀርብ ክስ፣ በፍትሐብሔር ሕግ ቁጥር 1845 መሠረት በአሥር (10) ዓመት የይርጋ ጊዜ ይታገዳል ወይንስ አይታገድም? ⚖️ የሰበር ችሎቱ ትንታኔ እና አስገዳጅ ውሳኔ የሰበር ሰሚ ችሎቱ የኢፌድሪ ሕገ-መንግሥት አንቀጽ 40(3)ን እና የከተማ መሬት ሊዝ አዋጆችን መሠረት በማድረግ የሚከተሉትን መሠረታዊ ነጥቦች አስቀምጧል፦ 1. መሬት አይሸጥም፣ አይለወጥም (አንቀጽ 40(3))፦ በመሬት ላይ የግል ባለቤትነት መብት የለም፤ የመሬት ባለቤትነት የመንግሥትና የሕዝብ ብቻ ነው። ግለሰቦች ያላቸው መብት የመጠቀም/የይዞታ መብት (Land Holding Right) ብቻ ነው። 2. የመፋለም ክስ (Art. 1206) ለመሬት አይሠራም፦ በፍ/ብ/ሕ/ቁ 1206 የተደነገገው "የመፋለም ክስ" የባለቤትነት መብትን ለማስከበር የሚቀርብ ነው። በመሬት ላይ የግል ባለቤትነት በሌለበት ሁኔታ፣ መሬትን ለማስመለስ "የመፋለም ክስ" ማቅረብ በሕግ አይቻልም። (ይሁንና በቁጥር 40(7) መሠረት በመሬቱ ላይ ባረፈ ቤት/ንብረት ላይ ግን የመፋለም ክስ ማቅረብ ይቻላል)። 3. የ10 ዓመት ይርጋ ተፈጻሚነት፦ በከተማ መሬት ይዞታ አዋጆች (አዋጅ ቁጥር 721/2004 እና 818/2006) ላይ ይዞታን ለማስመለስ የተቀመጠ ልዩ የይርጋ ድንጋጌ የለም። በመሆኑም ክፍተቱን ለመሙላት በፍ/ብ/ሕ/ቁ 1677(2) መሠረት አጠቃላይ የውልና ግዴታዎች ሕግ ተፈጻሚ ይሆናል። በዚህም መሠረት የከተማ መሬት ይዞታን ለማስመለስ የሚቀርብ ማንኛውም ክስ በፍ/ብ/ሕ/ቁ 1845 መሠረት በ10 ዓመት የይርጋ ጊዜ ይታገዳል። 🔑 ታሪካዊ ለውጥ፦ ችሎቱ ቀደም ሲል "የከተማ መሬት ይዞታ መፋለም ክስ በይርጋ አይታገድም" ሲል በሰ/መ/ቁ 210477 የሰጠውን አስገዳጅ ትርጉም ሙሉ በሙሉ ለውጦታል! ⚖️ ይህ ውሳኔ ለምን አስፈለገ? 🔑 ለንብረት ዋስትና መረጋገጥ ✍️ አንድ ሰው ይዞታው ከተያዘበት ጊዜ ጀምሮ ለ10 ዓመታት ዝም ካለ፣ መብቱ በይርጋ ቀሪ እንደሚሆን በማስገንዘብ የሕግ ተገማችነትን ይፈጥራል። 🔑 የሕግ ሥርዓት አንድነት ✍️ ቀደም ሲል በቤት (ሰ/መ/ቁ 43600)፣ በገጠር መሬት (ሰ/መ/ቁ 69302) እና በከተማ መሬት (ሰ/መ/ቁ 210477) መካከል የነበረውን የይርጋ አተገባበር መቃረን አስታርቋል። 🔑 መብትን በወቅቱ ማስከበር ✍️ ይዞታቸው የተነጠቀባቸው ወገኖች ሳይዘገዩ በ10 ዓመት ውስጥ ክስ ማቅረብ እንዳለባቸው ያስገድዳል። (ሰ/መ/ቁ 244308) ,,,,,,,,✍️✍️✍️ 💡ከታች በተቀመጠው Link የ telegram , Tiktok እና Facebook acount መቀላቀል ይችላሉ :: 👇 🔑 telegram https://t.me/+jKIbmxtgOvg1MDc8 👇 🔑 tiktok https://www.tiktok.com/@lawyereskedaraweke2?_r=1&_t=ZS-9AkK4rsFDhX 👇 🔑 Facebook https://www.facebook.com/eskedarlaw

ጠበቃ እስከዳር አወቀ ሰይፉ/ Attorney /

Open In TikTok:

Region: ET

Saturday 31 October 2026 18:17:21 GMT