@queen....nefertiti: *ورا مصنع الكراسي - مش شتيمة.. دي حتة في إمبابة!* المصنع ده حقيقي 100%.. ومكانه كان في *الوراق - إمبابة على النيل مباشرةً* ايه هو مصنع الكراسي؟ اسمه الرسمي *مصنع الأهرام للكراسي الخشبية* اللي بناه *جمال عبد الناصر* في أواخر الخمسينات.. ضمن الخطة الخمسية الأولى.. عشان يعمل نهضة صناعية المساحة *50 فدان* بحالهم.. وكان بيعمل كراسي المدارس والقهاوي والمصالح الحكومية.. الكرسي الخشب أبو مسامير اللي كلنا قعدنا عليه! جودته كانت عالية جداً.. وكان مشهور في مصر كلها سكان إمبابة والوراق الغلابة اللي ساكنين حواليه.. لما حد يسألهم ساكن فين؟ يقولوا *"ورا مصنع الكراسي"*.. يعني العنوان! زي ما تقول "ورا قسم إمبابة" وبعد سنين المصنع وقع.. الانفتاح بتاع السادات.. سوء الإدارة.. خصخصة.. لحد ما اتقفل رسمي *2008* وفضل مهجور لحد *2012* واتهد واتباعت أرضه لمستثمر بنى عليها أبراج سكنية! المصنع راح.. بس الجملة فضلت! ### ازاي بقت إفيه قليل الأدب؟ الجملة مكنتش قليلة أدب.. لحد ما جه *أحمد مكي*! السيناريست شريف نجيب بيحكي: سنة 1997 كان في هندسة.. وكان بيروح يذاكر عند صاحبه اللي ساكن في إمبابة *ورا مصنع الكراسي فعلاً!* ولما جه يكتب فيلم *"لا تراجع ولا استسلام" 2010* افتكر الجملة.. وخلاها على لسان *حزلقوم*.. لما قال: "أنا ساكن ورا مصنع الكراسي" من هنا الناس بدأت تضحك عليها.. وبقت تريقة! وبعدها جت الكرة: *2012.. الأهلي لاعب بايرن ميونيخ ماتش ودي في قطر*.. صفحة بايرن نزلت بوست عن الماتش.. فمشجع أهلاوي كتب كومنت: "الأهلي هياخدكم ورا مصنع الكراسي" الكومنت جاب آلاف اللايكات.. وصفحة بايرن نفسها سألت يعني إيه! فأهلاوي تاني رفع يافطة في الاستاد مكتوب عليها بالإنجليزي: Al Ahly will take you behind the factory of chairs! وبايرن من ساعتها وهي كل ما تكسب حد تقول: "خدناه ورا مصنع الكراسي" 😂 حتى لاعبي بايرن سنة 2016 صوروا فيديو وهم بيقولوها: "ورا مصنع الكراسي"! فالمصريين بقوا يستخدموها ككناية عن: - هزيمة مذلة للخصم - حتة مقطوعة مفيهاش حد - وفي الميمز بقت إيحاء لحاجات مش كويسة بتحصل بعيد عن العين مفيش حاجة بتحصل ورا مصنع الكراسي.. هي حتة في إمبابة اسمها *شارع الجيش وشارع مسجد التقوى*.. أهالي المسجد هناك بيقولوا احنا عندنا تحفيظ قرآن وكفالة أيتام وموائد رحمن.. والجملة دي بتظلمنا!#fypシ゚viral🖤tiktok

Jicova :

ورا مصنع الكراسي مصطلح عندًكثير دول عربية مش بس مصر

IT-MAN عبدالله/أحمد .1979 :

لو بدأت نروح ورا مصنع الكراسي من وانت صغير ممكن تكون رئيس جمهوربة لما تكبر. حصلت فعلا

M.Mustafa :

بل عراق. نكول. كراج حويدر 🤣

cuma.kaddur :

فيلم مرجان احمد مرجان بقلو عادل امام لاحمد السعدني ساكن في ياحودة بقلو في البصراوي ورا معمل الكراسي 😁 بقلو اااا هوى الحتتين دول فين بالزبط بقلو في امبابه ورا معمل الكراسي بقلو عادل امام تشربةشاي بالياسمين😂😂🥰

بوب مجدي :

الأغنية اسمها ايه

Vandac :

غير صحيح...الجمله موجوده قبل الفلم

حسين محمد السنوسي :

مكان مشبوة😂

Aymn Mohamed :

لا حول ولاقوة الابالله العلي العظيم 🇪🇬 🇪🇬 🇪🇬

شريف مرجان :

فين ايامو

⊕𝕿𝖆𝖑𝖆𝖑⊕ :

خلاص ياعم دي الكلمه صارت ايقونه [ضحكة كبيرة][دموع الفرح]

Dd1999mmm :

هو قالها عادل إمام وانتشرت

Youssef Mamdoh :

لاعبي البايرن صورو الفيديو 2021 مش 2016

sal :

اشتهرت الكلمة بعد استعمالها في المسرحيات اعتقد المنتصر بالله قالها ف مسرحية وانا مش متأكده

الصعيدي الأصيل_ ابن العطيات101 :

user745080888 :

ابو زياد :

حاقة كده زي سطوح الواد حمادة

Josef 1977 :

بسوريا ....نقول اخدوا عالسقيفة😂😂😂

الليل والقمره والخيل والهيل :

😂

🌧️🌳💙 حسين :

فيه جملة ثانية قبيحة(( ما تجي وراء ..... ونجيب .....)) مثل ما تجي وراء السور ونجيب عبد الصبور وكلها تركيب وسجع

ابوبسام💎متعب القحطاني :

مصنع الكراسي كان للانتاج الحربي في عهد عبدالناصر وكان تمويه للمصنع بتاع الاسلحة اللي فيه ومع الايام كان فاضي ومهجور وفيه مساحة مهجورة كانوا اللي بيعمل حاجة يشرب يدخن وغيرها يروح له وتحصل فيه جرائم غير اخلاقية في امبابة وصار مثل اوديك وراى مصنع الكراسي . وتم ازالته قبل كم سنة

Omnia Elshahed :

😂😂😂

AHM :

😂😂😂