@sarah_beauty5:

MLKH :

التغيير مايجي الا مع المال وتغيير البيئه .

MSC :

أنا امي كانت توها منفصله وماكان عندها شي تصرف علينا وبدا العام الدراسي واخذت لي مريول ضيييق من الباله وانا دبه والبنات يتنمرون علي عبالهم متقصده البسه وكنت البس جوتي خالي مقاسه ضعف مقاسي بس لان الجوتي مالي مشقوق واستثقل اقول لامي 💔 الله ينتقم من كل احد ثقل علينا الحياه فوق ثقلها

noly378 :

والله لاتنظيف ولاجدتي الا الفلوس تخليك قويه وتستقوي ع كل شي

البشمهندسه 👩🏻‍💻وداد🦅 :

مريت بموقف او مواقف مشابهه واحد منها كنت بالمتوسط وماعندي الا مريول واحد وكويت مريولي وغصب عني احترق من جهة الصدر ورحت لابوي ابي يفصل لي مريول غيره الحرق مره كبير وصار مفتوح ورفض وبنفس الوقت فصل لاختي الكبيره مريول جديد بدون سبب واضطرت امي تاخذ جزء من الجيب الي من الجمب وتقصه وتسويه على شكل جيب على مكان الحرق وكان الفرق واضح جدا لان الجيب كان قماشه جديد والمريول كان مقلوب لونه من كثر الاستخدام وما احكيلكم عن نظرات البنات وهم يشوفون الفرق ويسألوني ليه ابوك ما فصلك مريول جديد زي اختك واجي واروح و مريولي مرقع هذي قصه واحده من حياه مليانه معاناه انظف ايش واخلي ايش احتاج شركة تنظيف

وفاء 🌻🌱 :

فعلاً كثر الصدمات تقوي الشخصية 👏👏👏

خلود :

بنات انا كان شرط بعقد زواجي سكن مستقل ولي سبع سنوات متزوجه للحين مو مستقل وغيرنا بيتنا يمكن ثلاث مرات وكل ما يجي يستاجر زوجي يستاجر مع اهله واقوله ريقولي مقدر اخلي امي وانا تحملت تحملت صار معي امراض بسبب العيشه معهم هالشهر فجاءه قررت انظف واستحضر مواقف ومدري كيف سمحت له ولهم يعاملوني كذا اليوم فجاءه راعي البيت اتصل عليه قاله بس بعطيك ٨ اشهر وابغا بيتي وهو واهله يخططون وخواته مع امه بالقروب قلت لنفسي يتكرر السناريو تبين تسكتين راح تعانين لا زم تتكلمين تكلمت معه عصب وقال اني اطلع عن امي لانفكرين قلت لا تطلع اخذ دورين جنب بعض وقام يتعذر ان مامعه فلوس بنات انبسطت من نفسي اني تكلمت بس اخاف اضعف ويضحكون علي

. :

يمه الله لايجعلنا ضرينا احد 🫠.

غيمة🇸🇦🇸🇦 :

معليششششششش ترا الفلوووس هي الي تعرززز وتقويك معروف الباقي خرابيططط

اناقه🌺 :

كيف اسوي تنظيف؟

R :

كيف يعني نسوي تنظيف؟

etoile :

سبحان الله يا سارة ، ذكرتيني بنفسي كنت زيك ، الآن أنا شخص آخر

🇸🇦Nood🎀 :

انا اشوف سالفة التنظيف هذي مضحكه نضحك على انفسنا كيف اقدر اشيل شعور تاثيره للان معاي مستحيل يروح مهما حاولنا نقنع انفسنا اننا اقوياء او نبرر لذالك اشوف الحل انك تقولين الحمدلله ماعند الله مايضيع وكل ماتذكرتي الموقف ادعي على من تسبب لك

N :

احسبها تقصد تنظيف بشره وتونر للبشره وربي 😅

SADEN🇸🇦🫡 :

ايش قبيلتك

𝑆 :

كانو يتنمرون علي بالمتوسط.. تدرين كبرت وصار فيني قلق وماتعرف ع اي احد حذره وداخليا محطمه.. كيف اسوي تنظيف؟

g :

انا المواقف الخايسه الي توجع م انساها ليش؟

J :

منتجاتك ف نون اصليه؟

👰🏻‍♀️ :

يارب لا تجعلنا ضرينا أحد ،يارب نكون غيمة مرت ولا ضرت 😔🫶🏻

Wa6n :

احس سبحان الله مو واضح انها كانت شخصيه ضعيفه .. ماشاءالله على التغيير

Aml :

تنظيف اسنان؟

فريده من يومها :

ي بنات اذ احد احرجكم او زعلكم خذو حقكم بنفس اللحظه ولاتقعد بخاطرك لين مااااتموتين ماتنسين 💔

trials :

السؤال كيف اسوي تنظيف؟

MR :

بالله من اي منطقه البنت

tik 2026 :

صار لي نفس الموقف بالضبط بس انا اخس منك بمراحل احترق مريولي من عند البطن وانا امي منفصله عن ابوي ومايتعرف علينا ماعندي غيرره ولاتقدر امي تغيره لي واضطريت البس جاكيت فوقه طول الترم بعز الصيف وكانن الطالبات يتنمرن علي واسمع التعليقات من كل المعلمات لاقبلت عليهن لين جاء يوم وجيت لمعلمتين جالسات يصححن وعططيتها دفتري تصححه وجلستني وسالتني وسكت مابررت بحرف ومسكت الجاكيت وفتحته وشافت بطني لان حتى ملابس داخليه قطنيه ماعندي وانحرجت اكثر قالت اها محروق طيب ماتقدرين تغيررينه امك ابوك ماعندكم فلوس هزيت راسي بلا ومشيت وكملت باقي الترم كله بنفس الجاكيت بعز الحر ولاحد فكر يفزع لي وقتها من المعلمات او الادراه يازين معلماتنا الان يتفقدون وضع الطالبات المادي والله اني عجزت انسى الموقف ذاك واثر ع شخصيتي ونفسيتي كثير واستمرت حالتنا كسيفه بكل مراحل تعليمي لين اتخرجت من الجامعه وتزوجت والمواقف اللي تعرضت لها بسبب الفقر لاتعد ولاتحصى

نجـــــــــد :