ဒီပုံထဲကလိုအောက်မှာထိုင်ရတဲ့အိမ်သာမျိုးတွေဆို ဘယ်နေရာမှာဖြစ်ဖြစ်သတိထားကြနော်။ ကျမအတွေ့အကြုံတခုပြောပြမယ်။ ကျမသားကြီး (၂)လသားလောက်ကပေါ့။ ကျမတို့ပထမဦးဆုံးဝယ်တဲ့တိုက်ခန်းက toilet က ဘိုထိုင်မဟုတ်ဘူး။ ခုလိုရိုးရိုးအောက်ထိုင်ရတာမျိုး။ တရက်..ကျမ toilet သွားရင်းမီးဖိုထဲမှာရှိနေတဲ့လင်တော်မောင်ကိုပြောစရာရှိလို့ဆိုပြီးအရေးတကြီးထထွက်လိုက်တာ ခြေကချော်ပြီး စွပ်ကနဲဆို အိမ်သာအပေါက်ထဲဝင်သွားတာ။ အိမ်သာကကွဲပြီး ကျမခြေထောက်ပြန်ဆွဲအထုတ်မှာခြေကျင်းဝတ်ကခြေမနှောင့်အပေါ်ကအကြောမကြီးကိုထိပြီးအကြောမကြီးကပြတ်ထွက်သွားရော။ ကျမခြေထောက်ကိုငုံကြည့်လိုက်တဲ့အချိန်မှာရုတ်တရက်ခြေထောက်ပြ-တ်ဖို့ သဲ့သဲ့ပဲလိုတယ်လို့ထင်သွားတာ။ အကြောမကြီးကပြတ်ပြီးအပေါ်အောက်လိပ်သွားတော့ မသိရင်အပေါက်ခေါင်းကြီးဖြစ်သွားတော့ ပြ-တ်ခါနီးလို့ပဲထင်သွားတာလေ။ ေ-သွးတွေကမြင်မကောင်းဘူး။ လန့်သွားတာရော ေ-သွးမြင်တာရော သွေးနုသားနု လိုဖြစ်နေတာရောဆိုတော့ လူကမိုက်ကနဲပဲဖြစ်သွားတာ။ ဒါပေမဲ့ ကျမသတိကပ်တယ်ပြောရမယ်။ ခြေတဖက်ထောက်နဲ့ အိပ်သာတံခါးကိုရအောင်ဖွင့် အပြင်ရောက်တော့ လင်တော်မောင်ကလန့်ဖြတ်အော်ပြီးခြေမကိုင်မိ လက်မကိုင်မိ။ အမေက သူ့မြေးကိုချော့နေရင်းပြေးဝင်လာတာ။ ကျမက ကလေးအနှီးကိုဖြဲ (ကလေးအနှီးကပိုးသတ်ထားတော့ သန့်တယ်လေ) ခြေထောက်ကိုချည် စသဖြင့် ဒါဏ်ရာကိုမမှုအားပဲညွှန်ကြားနေတာ။ ပြီးမှကျမကိုထမ်းပြီးကားနဲ့ဆေးရုံကြီးကိုပြေးတာ (အဲ့အချိန်က ကျမအမဝမ်းကွဲကဆေးရုံကြီးမှာတာဝန်ကျနေတာလေ) သူ့ကိုလည်းအခန့်သင့်တွေ့တော့ အရေးပေါ်အမြန်စီစဉ်ပြီး ခွဲစိပ်ရရောဆိုပါတော့။ နှစ်ကြိမ်ခွဲခန်းဝင်ရတယ်။ အကြောမကြီးကိုဆက်ပြီးအနာကိုဖွင့်ထားရတာတကြိမ် အနာကျက်မှာ အပေါ်ကိုပြန်ချုပ်ရတာတကြိမ်။ နာလွန်းတာဆိုတာပြောမနေနဲဲ့။ ဆေးရုံမှာ(၂)လနီးနီးနေရပြီးမှဆင်းရတာ။ ဆင်းရတော့လည်း ကျောက်ပတ်တီးနဲ့ဂျိုင်းထောက်နဲ့ အတော်ဒုက္ခရောက်တာပါဆို။ ဒါဏ်ရာအားလုံးကျက်ပြီးကျောက်ပတ်တီးဖြည်ပြီးတာတောင် ပုံမှန်လမ်းလျှောက်နိူင်ဖို့ (၆)လကျင့်ရတယ်။ အကြောကဆွဲချုပ်လိုက်ရတော့ခြေထောက်တဖက်ကထောက်ရင် တိုသလိုဖြစ်သွားပြီး လေ့ကျင့်ခန်းနေ့တိုင်းလုပ်ပေးရတာလေ။ အနာရွတ်ကလည်းကျန်ခဲ့တော့ လှချင်တဲ့ကျမစိတ်ဓာတ်တွေကျလိုက်ရတာဆို။ နောက်ပိုင်း ဂရုတစိုက်နဲ့လေ့ကျင့်ပေး ဒါဏ်ရာကိုဆေးတွေလူးပေးရင်းမှ အားလုံးပုံမှန်ဖြစ်သွားတာ။ ဒါတောင်တနှစ်ကျော်ကြာတယ်။ ပြောချင်တာက အဲ့လိုဖြစ်တဲ့အချိန်မှာ ဆရာဝန်တွေပြောတာက အဲ့လိုအိမ်သာတွေမှာချော်ပြီးအဲ့လိုဖြစ်တဲ့ ကေစ့်ကအများဆုံးပဲတဲ့။ Toilet ဆိုတာရောဂါပေါင်းစုံတော့ ပိုးဝင်တဲ့ရာခိုင်နူန်းကလည်းအရမ်းများတာမို့လုံးဝမပေါ့ဆသင့်ကြောင်းပေါ့။ အခုနောက်ပိုင်း ဘိုထိုင်တွေကွဲတာလည်းကြားလာရတာမို့ သတိလေးအမြဲကပ်ကြပါလို့။ #sharing #အတွေ့အကြုံ #facebookpost Photo..Pinterest - @mamyat95