@vibiijamdy: ကျွန်တော်တို့က ကားဝယ်ရမှာ၊ အိမ်ဝယ်ရမှာ၊ သိန်းရာချီတန်တဲ့ ပစ္စည်းတွေဝယ်ရမှာကျတော့ လက်တွန့်ကြတယ်။ "ဟာ ဈေးကြီးလိုက်တာ၊ မဝယ်တော့ပါဘူး" ဆိုပြီး ချွေတာကြတယ်။ ဒါပေမဲ့ "အသေးသုံး" လေးတွေကျတော့ မနှမြောကြဘူးဗျ။ "ဟာ ၂၀၀၀ တည်းပါကွ"၊ "၅၀၀၀ လောက်နဲ့ မွဲမသွားပါဘူး" ဆိုပြီး သုံးလိုက်ကြတာ သတိထားကြည့်လိုက်တော့ ပိုက်ဆံအိတ်က "လေဟပ်" နေပြီ။ "ဆင်ဖိုးမကုန်ဘဲ ဆင်ချေးဖိုးနဲ့ မွဲတယ်" ဆိုတာ ဒါမျိုးကို ပြောတာပါပဲ။ ကဲကျွန်တော်တို့ ဘယ်လောက်တောင် ဖြုန်းပြီးပြီလဲ တွက်ကြည့်ရအောင်။ ခင်ဗျားတို့ကို ဆင်းရဲမွဲတေအောင် လုပ်နေတာက သိန်း ၁၀၀ တန် ပစ္စည်းတွေ မဟုတ်ဘူး။ နေ့တိုင်း ခင်ဗျားမသိမသာ သုံးနေတဲ့ "ဂဏန်းအသေးလေး" တွေက လုပ်ကြံနေတာ။ ကော်ဖီ/ Bubble Tea တစ်ခွက်ကို ၃၀၀၀၊ ၄၀၀၀ ဆိုပါစို့။ "မများပါဘူး" ဆိုပြီး နေ့တိုင်းသောက်ကြည့်။ တစ်လနေရင် ၁ သိန်းကျော်ပြီ။ (၁ သိန်းဆိုတာ နည်းတဲ့ပိုက်ဆံ မဟုတ်ဘူးနော်။ ရွှေမဝယ်နိုင်ရင်တောင် စုဘူးထဲ ထည့်ထားရင် အများကြီးရပြီ။) Delivery Fees: အိမ်ကနေ မှာစားရတာ ဇိမ်ကျတယ်လေ။ ပို့ခ ၁၀၀၀၊ ၁၅၀၀ လောက်က ဘာမှမဟုတ်ဘူး ထင်ရပေမယ့် တစ်လလုံး ပေါင်းလိုက်ရင် ခင်ဗျား အင်္ကျီကောင်းကောင်း တစ်ထည်စာလောက် ပြန်ထွက်သွားလိမ့်မယ်။ Online Shopping: "Live လွှင့်တုန်း ဝယ်ရင် လျှော့ဈေးရမယ်" ဆိုပြီး မလိုတာတွေ လျှောက်ဝယ်တယ်။ ၃၀၀၀ တန်လေး၊ ၅၀၀၀ တန်လေးတွေလေ။ အိမ်ရောက်တော့ အမှိုက်ပုံဖြစ်၊ ပိုက်ဆံကတော့ ကုန်။ ကျွန်တော်တို့က ကြီးကြီးမားမား ကိန်းဂဏန်းတွေမှ ကြောက်တာ။ ဂဏန်းအသေးလေးတွေကို မကြောက်ဘူး။ အဲဒါ မှားတာပဲ။ ရိုးရိုးလေး တွက်ပြမယ်။ ခင်ဗျား နေ့တိုင်း မလိုဘဲနဲ့ ၅,၀၀၀ ကျပ် ဖိုးလောက် သုံးမိတယ် ဆိုပါစို့ (ကွမ်းဖိုး၊ ဆေးလိပ်ဖိုး၊ မုန့်ဖိုး၊ ဘီယာဖိုး၊ ဒေတာဖိုး စသဖြင့်) တစ်လဆိုရင် ၁ သိန်းခွဲ (၁၅၀,၀၀၀) ဖြစ်သွားပြီ။တစ်နှစ်ဆိုရင် ၁၈ သိန်း (၁,၈၀၀,၀၀၀) ပါဗျာ။ မြင်ပြီလား။ "၅၀၀၀ လေးပါကွာ" ဆိုပြီး ပေါ့ပေါ့တွေးခဲ့တဲ့အရာက တစ်နှစ်နေတော့ ဆိုင်ကယ်တစ်စီးစာ၊ ရွှေတစ်မတ်သားစာ ဖြစ်သွားပြီ။ ၁၀ နှစ်လောက်သာ ဆက်သုံးကြည့် တိုက်ခန်းတစ်ခန်းစာလောက် ပါသွားလိမ့်မယ်။ အထူးသဖြင့် Facebook ပေါ်က "ဒီနေ့ဝယ် ဒီနေ့ရ"၊ "Buy 1 Get 1" ဆိုတဲ့ ဂျင်းတွေ မိတာပေါ့။ ကိုယ့်ကိုယ်ကိုယ် ပြန်မေးကြည့် ပြီးခဲ့တဲ့လက ဝယ်လိုက်တဲ့ နှုတ်ခမ်းနီဆိုးဖြစ်ရဲ့လား။ Sale ချတုန်းက ဝယ်လိုက်တဲ့ ဂိမ်းတွေ၊ ဆော့ဖြစ်ရဲ့လား လျှော့ဈေးနဲ့ရလို့ ဝယ်ထားတဲ့ မီးဖိုချောင်သုံးပစ္စည်းတွေ၊ ဖုန်တက်နေပြီ မဟုတ်လား။ အဲဒါတွေက "Asset" (ပိုင်ဆိုင်မှု) မဟုတ်ဘူး။ "Trash" (အမှိုက်) တွေ ဖြစ်သွားတာ။ ခင်ဗျားပိုက်ဆံတွေက အမှိုက်ပုံထဲ ရောက်သွားတာနဲ့ အတူတူပဲ။ ဒါကြောင့် ချွေတာတယ်ဆိုတာ "ကပ်စေးနှဲ" တာ မဟုတ်ဘူး။ "မလိုတာကို မသုံးတာ" ကို ပြောတာ။ ကိုယ်ဘယ်လောက်ဖြုန်းခဲ့လည်းသိချင်ရင် တစ်ရက်ကို ဘာတွေသုံးမိလဲ ဖုန်းထဲမှာ Note လေးနဲ့ မှတ်ကြည့်။ လကုန်လို့ ပြန်ပေါင်းကြည့်လိုက်ရင် "ဟာငါ့ပိုက်ဆံတွေ ဒီလောက်တောင် ကုန်သွားလား" ဆိုပြီး မျက်လုံးပြူးသွားလိမ့်မယ်။ တစ်ခုခု ဝယ်ချင်စိတ်ပေါက်လာရင် ချက်ချင်းမဝယ်နဲ့။ ၂ ရက်လောက် စောင့်လိုက်။ ၂ ရက်နေလို့မှ လိုချင်နေတုန်းဆိုမှ ဝယ်။ တော်တော်များများက ၂ ရက်နေရင် မလိုချင်တော့ဘူး။ မိုးပေါက်လေးတွေ စုမှ ရေအိုးပြည့်တာပါ။ အဲဒီလိုပဲ မိုးပေါက်လေးတွေ ယိုနေရင်လည်း ရေအိုးက ဘယ်တော့မှ မပြည့်တော့ဘူး။ နိဂုံးချုပ်ပြောရရင် ကြီးကြီးမားမား ရှာနိုင်မှ သူဌေးဖြစ်တာ မဟုတ်ပါဘူး။ အိတ်ပေါက်တွေကို ဖာနိုင်မှ သူဌေးဖြစ်မှာပါ။ ဒါကြောင့် "အသေးသုံးလေးပဲကွာ" ဆိုပြီး မဖြုန်းမိပါစေနဲ့။ အဲဒီ "အသေးသုံး" ဆိုတဲ့ကောင်က ခင်ဗျားရဲ့ အနာဂတ်ကို တိတ်တိတ်လေး ဝါးမြိုနေတဲ့ ဘီလူးကြီး ဖြစ်နေတတ်လို့ပါပဲ။ အ_လီ_ဘာ_ဘာ

သုည

Open In TikTok:

Region: MM

Sunday 01 November 2026 03:56:28 GMT