@monstate007: မွန်ပြည်နယ်၏ ပထမဆုံး လူငယ်စင်တာ ဖွင့်ပွဲအခမ်းအနား ပြည်ထောင်စုဝန်ကြီး ဒေါက်တာမောင်သင်း တက်ရောက်ဖွင့်လှစ် (ပထမပိုင်း) မွန်တို့ဌာနေ၊ နိုဝင်ဘာ ၁ မွန်ပြည်နယ်အစိုးရအဖွဲ့မှ ကြီးမှူးကျင်းပသည့် မွန်ပြည်နယ်လူငယ်စင်တာ ဖွင့်ပွဲအခမ်းအနားကို နိုဝင်ဘာ ၁ ရက် နံနက်ပိုင်းက မော်လမြိုင်မြို့၊ မန္တလေးရပ်ကွက်ရှိ လူငယ်စင်တာ၌ ကျင်းပရာ မြန်မာနိုင်ငံလူငယ်ရေးရာဗဟိုကော်မတီ ဒုတိယဥက္ကဋ္ဌ (၁)၊ လူငယ်ရေးရာဝန်ကြီးဌာန ပြည်ထောင်စုဝန်ကြီး ဒေါက်တာမောင်သင်း တက်ရောက်ဖွင့်လှစ်ပေးခဲ့သည်။ ဦးစွာ အခမ်းအနား ပထမပိုင်းအစီအစဉ်အဖြစ် ပြည်နယ်လွှတ်တော်ဥက္ကဋ္ဌ ဦးသက်ထွေး၊ ပြည်နယ်တရားလွှတ်တော် တရားသူကြီးချုပ် ဒေါ်ဌေးမြင့်အေး၊ ပြည်နယ်လွှတ်တော် ဒုတိယဥက္ကဋ္ဌ မင်းအောင်မြင့်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ရဲထွဋ်နှင့် ပြည်နယ်လူမှုရေးရာဝန်ကြီး ဦးတင်ဇော်ထွန်းတို့က ဖဲကြိုးဖြတ်ဖွင့်လှစ်ပေးခဲ့ကြပြီး ပြည်ထောင်စုဝန်ကြီး ဒေါက်တာမောင်သင်းနှင့် မွန်ပြည်နယ်လူငယ်ရေးရာကော်မတီဥက္ကဋ္ဌ၊ ပြည်နယ်ဝန်ကြီးချုပ် ဦးအောင်ဝင်းသန်းတို့က စက်ခလုတ်နှိပ်၍ လူငယ်စင်တာကို ဖွင့်လှစ်ပေးခဲ့ကြသည်။ ထို့နောက် ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့သည် ဖျော်ဖြေရေးအဖွဲ့များအား ဂုဏ်ပြုဆုငွေများ ချီးမြှင့်ပေးအပ်ပြီး ကမ္ပည်းမော်ကွန်းအား အမွှေးနံ့သာရည်များ ပက်ဖြန်းခဲ့ကြကာ လူငယ်စင်တာအတွင်းရှိ Gym & Fitness Center၊ စာဖတ်ခန်း၊ စာကြည့်တိုက်၊ သက်မွေးသင်တန်းခန်း၊ အနုပညာခန်း၊ ပန်းချီခန်း၊ Computer Room၊ ရုံးခန်းမနှင့် ဘက်စုံသုံးခန်းမတို့ကို လှည့်လည်ကြည့်ရှုခဲ့ကြသည်။ ဆက်လက်၍ အခမ်းအနား ဒုတိယပိုင်းကို ကျင်းပရာ မော်လမြိုင်မြို့ အမှတ် (၆) အခြေခံပညာအထက်တန်းကျောင်းမှ ကျောင်းသား၊ ကျောင်းသူများက “လူငယ်စွမ်းရည်” သီချင်းဖြင့်လည်းကောင်း၊ တိုင်းရင်းသားစာပေနှင့် ယဉ်ကျေးမှုအဖွဲ့က မွန်ဟင်္သာအကဖြင့်လည်းကောင်း ဖျော်ဖြေတင်ဆက်ခဲ့ကြသည်။ အခမ်းအနားတွင် ပြည်ထောင်စုဝန်ကြီး ဒေါက်တာမောင်သင်းက လူငယ်များသည် အနာဂတ်လူ့အဖွဲ့အစည်းကို ဖန်တီးဖော်ဆောင်ကြမည့်သူများဖြစ်သည့်အတွက် ခေါင်းဆောင်မှုအရည်အသွေး၊ ခေါင်းဆောင်မှုစွမ်းရည်နှင့် ပြည်သူများ၏ မျှော်လင့်ချက်များကို အကောင်အထည်ဖော်နိုင်မည့် အရည်အချင်းများ ပြည့်စုံရန်လိုအပ်ကြောင်း၊ လူငယ်များ၏ အနာဂတ်ဘဝ ဘက်စုံဖွံ့ဖြိုးတိုးတက်စေရန်နှင့် အားကိုးထိုက်သည့် နိုင်ငံ့လူ့စွမ်းအားအရင်းအမြစ်များ ဖြစ်လာစေရန် နိုင်ငံတော်အနေဖြင့် စဉ်ဆက်မပြတ် ပံ့ပိုးဆောင်ရွက်လျက်ရှိကြောင်း ပြောကြားခဲ့သည်။ ထို့ပြင် မွန်ပြည်နယ်၏ ပထမဆုံး လူငယ်စင်တာကို အောင်မြင်စွာ ဖွင့်လှစ်နိုင်ရေး ကြိုးပမ်းဆောင်ရွက်ပေးခဲ့သည့် မွန်ပြည်နယ်လူငယ်ရေးရာကော်မတီဥက္ကဋ္ဌနှင့် ဝိုင်းဝန်းကူညီပေးကြသည့် တာဝန်ရှိသူအားလုံးကို အထူးကျေးဇူးတင်ရှိကြောင်း ပြောကြားခဲ့သည်။ ယင်းနောက် ပြည်နယ်ဝန်ကြီးချုပ် ဦးအောင်ဝင်းသန်းက အဖွင့်အမှာစကားပြောကြားခဲ့ပြီး ကျောင်းသား၊ ကျောင်းသူလူငယ်များက အကအလှများ၊ တေးသီချင်းများဖြင့် ဖျော်ဖြေတင်ဆက်ခဲ့ကြသည်။ ထို့နောက် ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က အားကစားထူးချွန်ဆုရရှိသည့် အားကစားသမားများအား ဂုဏ်ပြုဆုများ ချီးမြှင့်ခဲ့ကြပြီး ပြည်ထောင်စုဝန်ကြီးက အားကစားပစ္စည်းများ ပေးအပ်လှူဒါန်းခဲ့ကာ ပြည်နယ်ဝန်ကြီးချုပ်က အလှူငွေများ ပေးအပ်လှူဒါန်းခဲ့သည်။ တာဝန်ရှိသူများက လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြကာ ဖျော်ဖြေရေးအဖွဲ့များအား ဂုဏ်ပြုဆုငွေများ ချီးမြှင့်၍ လူငယ်များကို ရင်းရင်းနှီးနှီး နှုတ်ဆက်ခဲ့ကြကြောင်း သိရသည်။ #မ့န်တို့ဌာနေ #မွန်ပြည်နယ် #မော်လမြိုင် #fyp #လူငယ်စင်တာဖွင့်ပွဲ

မွန်တို့ဌာနေ

Open In TikTok:

Region: MM

Sunday 01 November 2026 06:53:42 GMT