@cooking.foods5: မြန်မာ့ရိုးရာ မနက်စာတွေထဲမှာ ထမင်းကြမ်းကို အကြော်စုံပူပူလေးနဲ့အချဉ်ရည်စပ်စပ်လေး တွဲစားရတဲ့အရသာက ဘာနဲ့မှမလဲနိုင်အောင် ထူးခြားလှပါတယ်။ ဆိုင်ကဝယ်စားတဲ့ အကြော်တွေလိုပဲ အိမ်မှာကြော်ရင်လည်း တကယ့်ကို ကြွပ်ရွနေစေမယ့် "မမရီးရဲ့ လျှိဝှက်အကြော်မှုန့်စပ်နည်း" နဲ့ "ရှယ်အချဉ်ရည်" ပြုလုပ်နည်းလေးကို အသေးစိတ် မျှဝေပေးလိုက်ပါတယ်ရှင်။ လိုအပ်သော အကြော်မှုန့် ပါဝင်ပစ္စည်းများ ဒီအချိုးအစားကတော့ အိမ်မှာတင် အလွယ်တကူ စပ်ထားလိုရပြီး ကြော်တဲ့အခါ အရသာထူးခြားကောင်းမွန်စေမှာပါ - ပဲစိမ်းမှုန့် (အထုပ်ကြီး) - ၁ ထုပ် ကောက်ညှင်းမှုန့် - ၁ ထုပ် ရွှေကြည်မှုန့် - ၁ ထုပ် ဆန်စိမ်းမှုန့် - ၁ ထုပ် ယိုးဒယားမယ် (အကြော်မှုန့်) - ၁ ထုပ် ရွှေလိပ်ပြာ (အကြော်မှုန့်) - ၁ ထုပ် ပြုလုပ်ပုံ အဆင့်ဆင့် ၁။ အကြော်မှုန့် ရောစပ်ခြင်းနှင့် သိမ်းဆည်းခြင်း အစိုဓာတ်မရှိတဲ့ အိုးသန့်သန့် (သိုမဟုတ်) ဇလုံအကြီးထဲမှာ အထက်ပါ အမှုန့်အားလုံးကို ဖောက်ထည့်ပါ။ ခြောက်သွေ့တဲ့ ဇွန်းကြီးကြီးနဲ့ အမှုန့်တွေ အားလုံး သမသွားအောင် သေချာနှံစပ်အောင် မွှေပေးပါ။ ရလာတဲ့ အကြော်မှုန့်တွေကို လေလုံတဲ့ဘူး ဒါမှမဟုတ် ပုလင်းထဲထည့်ပြီး စနစ်တကျ သိမ်းဆည်းထားနိုင်ပါတယ်။ ၂။ အကြော် ကြော်နည်း လမ်းညွှန် ကြော်မယ့် အမျိုးအစားပေါ်မူတည်ပြီး ဖျော်နည်းလေး ကွဲပြားပါတယ် - ဗူးသီးကြော်၊ ငှက်ပျောကြော်၊ အာလူးကြော်များအတွက်: အမှုန့်ကို ရေနဲ့ ပျစ်ပျစ်လေး ဖျော်ပေးပါ။ ဂျင်းထောင်းရည် အနည်းငယ်နဲ့ ဆော်ဒါ (Baking Soda) အနည်းငယ်ထည့်ကာ ၁၅ မိနစ်ခန့် နှပ်ထားပေးပါ။ မှတ်ချက်: ဆားထည့်ရင် အကြော်က ပျော့တာမြန်တတ်လို အကြွပ်ကြိုက်ရင် ဆားမထည့်ဘဲ ကြော်တာ ပိုကောင်းပါတယ်။ အရွက်ကြော်နှင့် ကြက်သွန်ကြော်များအတွက်: အမှုန့်ကို အရည်ကျဲကျဲလေး ဖျော်ပေးရပါမယ်။ ဂျင်းထောင်းရည်၊ ဆော်ဒါတိုကို ထည့်ပြီးနောက် ကြော်မယ့်အရွက်တွေနဲ့ ရောနယ်ပြီးမှ ကြော်ပေးပါ။ ရှယ်အချဉ်ရည် စပ်နည်း အကြော်က ကောင်းရုံနဲ့မပြီးဘဲ အချဉ်ရည်ကလည်း လိုက်ဖက်ဖို လိုပါတယ် - ပါဝင်ပစ္စည်းများ: မကျည်းသီးမှည့်၊ ထန်းလျက်၊ နံနံပင်၊ ငရုတ်သီးစိမ်း၊ ကြက်သွန်ဖြူ၊ ဆား (သိုမဟုတ်) ငံပြာရည်၊ ငရုတ်ဆီ (အနီရောင်ကြိုက်ပါက)။ ချက်ပြုတ်ပုံ: 1. ပါဝင်ပစ္စည်းအားလုံးကို သေချာဆေးကြောသန့်စင်ပါ။ 2. ရေလိုသလောက်ထည့်ပြီး မီးဖိုပေါ်မှာ အချိန်ပေးကာ ကောင်းကောင်းဆူအောင် တည်ပေးပါ။ (ဒီလိုချက်ထားတဲ့အတွက် ဗိုက်နာမှာ မစိုးရိမ်ရတော့ပါဘူး) 3. အအေးခံပြီးရင်တော့ ဖျော်ရည်စက် (Blender) ထဲထည့်ပြီး ကြိတ်လိုက်ပါ။ ဒီအချဉ်ရည်လေးဟာ ချိုချဉ်စပ် အရသာလေးနဲ့ အကြော်တင်မကဘဲ အသုပ်မျိုးစုံအတွက်ပါ အင်မတန် အဆင်ပြေပါတယ်။ အကြံပြုချက်: ဒီနည်းလမ်းလေးကတော့ မမရီးကိုယ်တိုင် သင်ပေးထားတဲ့ လက်တွေ့စမ်းသပ်ပြီးသား နည်းလမ်းလေးမို အိမ်မှာ စိတ်ကြိုက်ကြော်စားကြည့်ကြပါဦးရှင်။ ဒီလို အသုံးဝင်ပြီး အရသာရှိတဲ့ အိမ်ချက်လက်ရာ လျှိဝှက်ချက်လေးတွေကို လိုအပ်တဲ့အချိန်မှာ ပြန်ကြည့်လိုရအောင် အခုပဲ Save သွားဖို မမေ့နဲ့ဦးနော်။ #အကြော်မှုန့်စပ်နည်း #စားကြပါအုံးရှင့်😋🥰 #အားပေးသူတိုင်းကိုကျေးဇူးတင်ပါတယ်😘😘😘 #creatorsearchinsights #lovecooking @★彡[ᴄᴏᴏᴋɪɴɢ ꜰᴏᴏᴅꜱ]彡★ @★彡[ᴄᴏᴏᴋɪɴɢ ꜰᴏᴏᴅꜱ]彡★ @★彡[ᴄᴏᴏᴋɪɴɢ ꜰᴏᴏᴅꜱ]彡★

6357

273

2026-11-01 16:52:50

2026-11-06 08:05:38

To see more videos from user @cooking.foods5, please go to the Tikwm homepage.