🪻တစ်ချို့က လူမူရေး သိပ်ပြီးတော့ များတယ်။ ဟိုကိစ္စလည်း ပါချင်တယ်။ ဒီကိစ္စလည်း ပါချင်တယ်။ သိပ်ပြီးတော့ ပါချင်တဲ့အခါကျတော့ ဘာဖြစ်တုန်းဆိုတော့ လူတွေရဲ့အကြောင်းအရာ ကိုယ့်ခေါင်းထဲမှာ အများကြီးရောက်တယ်။ 🪻အပေါင်းအသင်း မက်တယ်ဆိုတာ ထူးကဲတဲ့တရားကိုရဖို့ အတွက် သူက အနှောင့်အယှက်တစ်ခုပဲ။ တရားထူးတရားမြတ် ရဖို့အတွက် အနှောက်အယှက်တွေ မြတ်စွာဘုရား ဟောတာထဲမှာ အဲဒီအကြောင်းအရာ‌တွေ အများကြီး ထည့်ပြီးတော့ ဟောတာရှိတယ်။ 🪻အပေါင်းအသင်းတွေ သိပ်ပြီးတော့ များတယ်ဆိုရင် သူတို့ အကြောင်းအရာတွေက အနည်းဆုံးတော့ ကိုယ့်ခေါင်းထဲ ရောက်မှာပဲလေ။ အဲတော့ အရေးမပါတာတွေ တစ်ချို့ဟာတွေက အရမ်းရူပ်ထွေးလွန်းတယ်။ လူဆိုတာက ပြောရရင်တော့ လူတစ်ယောက်ဟာ အရူပ်ထုပ်တစ်ခုပဲ။ လူတွေနဲ့ များများသိရင် အရူပ်တွေနဲ့ များများသိတာနဲ့ ဘာမှမထူးဘူး။ သိပ်ပြီးတော့ ရင်းနှီးလေလေ အဲဒီအရူပ်တွေနဲ့ နီးစပ်လေလေ။ ထိပါများရင် ငြိကုန်မှာပေါ့။ 🪻ဒါ… ဒီပြဿနာကို နားလည်ဖို့လိုတယ်။ ဟုတ်လား။ ဒါကြောင့် လူမူရေးများတာတွေ လျော့ဖို့လိုတယ်နော်။ ဒါကြောင့် ပရိသတ်အပေါင်း သူတော်ကောင်းတို့ လူဆယ်ခံရတယ်ဆိုတာ ကျယ်ကျယ်ပြန့်ပြန့် နားလည်ဖို့ လိုတယ်။ ဦးဇင်းက ဒီတရားလေး ဟောလို့ရှိရင် ဟိုငယ်ငယ်တုန်းက ဆရာတော်ဘုရားကြီးဟောတဲ့ ဒီသုတ္တန်ကို အရှည်ကြီး ဟောထားတာ ရှိတယ်။ 🪻ဆိုကြပါစို့။ ဒီသစ်တုံးကြီးကို လူတွေက ဆယ်သွားတယ်။ ဆယ်သွားရင် သစ်တုံးကြီးရဲ့အနေအထားအရ တစ်ခုခုတော့ သူတို့က အသုံးချကြမှာနော်။ သစ်တုံးကြီးက ထင်းလောက်ပဲ လုပ်စရာကောင်းတယ် ဆိုရင်တော့ ထင်းပေါက်ခွဲပြီးတော့ စိုက်ပစ်လိုက်မှာပေါ့။ ဟာ သစ်တုံးကြီးက စန္ဒကူးတုံးကြီး နံ့သာတုံးကြီး ကျွန်းသားတုံးကြီးဆိုရင်တော့ ဆင်းတုတော်တွေ ဘာတွေထုပြီးတော့ ကိုးကွယ်ရင် ကိုးကွယ်မယ်ပေါ့။ 🪻ဒါမှမဟုတ် နတ်ရုပ်တွေ ဘာတွေ ထုပြီးတော့ အနုပညာမြောက်အောင် ပြခန်းထဲမှာ ထည့်ရင်လည်း ထည့်မယ်ပေါ့။ ဒါ သစ်တုံးကြီးရဲ့ အရည်အသွေးပေါ် မူတည်ပြီးတော့ လူတွေကတော့ အမျိုးမျိုး အသုံးချကြမယ်။ ဆင်းတုတော်ပဲထုထု နတ်ရုပ်ပဲ ထုထု ထင်းပဲ ပေါက်ခွဲစိုက်စိုက် သေချာတာကတော့ အဲဒီသစ်တုံး ပင်လယ်သမုဒ္ဒရာကို မရောက်ဘူး။ 🪻ဒီအချက်ကိုတော့ နားလည်ဖို့ လိုတယ်။ ဟုတ်လား။ အဲတော့ လူတွေလည်းပဲ ကိုယ်က အစွမ်းအစရှိလို့ တစ်ချို့လူတွေက ကိုယ့်ကို သုံးတာနော်။ တကယ်က ကိုယ်က ကိုယ့်ဟာကိုယ်သာ ဟုတ်တယ် ထင်နေတာတကယ်တမ်းက ကိုယ့်ကို သုံးနေကြတာ ဟုတ်လား။ အသုံးချတာ ဟုတ်လား ကိုယ့်ကို..ဒါကို ကိုယ်က ဘဝင်လေဟပ်ပြီးတော့ ကိုယ့်ကိုကိုယ် ဟုတ်လှပြီလို့ ထင်နေတာ။ 🪻တကယ့်တကယ်က ကိုယ်က အသုံးချခံ ဖြစ်နေတာ အဲတော့ သိပ်ပြီး ကိုယ်က အဆင့်မရှိဘူးဆိုရင်တော့ ကိုယ့်ကို ထင်းပေါက်ခွဲ စိုက်မှာပဲ ဟုတ်လား။ ဒီအဆင့်တွေ ရှိတယ် နားလည်ဖို့လိုတယ်။ ကိုယ်က သိပ်ပြီးတော့ အရည်အသွေးမြင့်ပြီးတော့ သူတို့အတွက် အများကြီးကို ကိုယ်က အသုံးကျနေတယ်ဆိုရင်တော့ ဆင်းတုတော်လိုမျိုး နတ်ရုပ်လိုမျိုး ထုခံပြီးတော့ အိမ်ဦးခန်း ထားတာလေး ဘာလေးတော့ ရှိမယ်ပေါ့။ သို့သော် သေချာတာကတော့ ငြိမ်းချမ်းမှုဆိုတဲ့ နိဗ္ဗာန်ကတော့ ရောက်မှာ မဟုတ်ဘူး။ အဲဒီအချက်ကို နားလည်ဖို့လိုတယ်ဟုတ်လား။ ဒါကြောင့် ဒီလူဆယ်ခံရတဲ့ကိစ္စက ပြောစရာ အလွန်ကောင်းတယ်။ သစ္စာရွှေစည်ဆရာတော် #မူရင်းပိုင်ရှင်အားcrdပေးပါတယ်🥰 #မေတ္တာဖြင့်မျှဝေပေးပါသည်✍ #foryoupage❤️❤️ #fpyシ❥tiktok🖤🌹 #knowledgesharing 💯📚 - @dama7134fs1