@pikaezeze: Një fotografi që paraqet një kuti të mbushur me tufa kartëmonedhash 50-euroshe është një nga provat e administruara nga SPAK në dosjen hetimore për vilën në Dhërmi, që dyshohet se përdorej nga ish-zëvendëskryeministrja Belinda Balluku. Fotoja, e datës 17 korrik 2021, është gjetur në telefonin e Lavdrim Smones, bashkëshortit të gruas që kryente pastrimet në banesën e Ballukut në Tiranë. Hetuesit dyshojnë se prona, e regjistruar në emër të ish-futbollistit Igli Tare, përdorej nga Balluku. Në dosje janë analizuar qindra komunikime telefonike, të cilat lidhen me udhëtimet, pastrimet, transportin dhe mirëmbajtjen e vilës. Një tjetër element që ka tërhequr vëmendjen e hetuesve janë bisedat mes vajzës së sanitares dhe motrës së saj, ku përmendet drejtpërdrejt emri i Belinda Ballukut. Në një komunikim të 24 korrikut 2022, pas pyetjes “A veç për Belindën?”, përgjigjja është: “Po, për Belindën”. Vila prej 103 metrash katrorë, me një truall prej të paktën 300 metrash katrorë, është sekuestruar me vendim gjykate.

Pika E Zeze

Open In TikTok:

Region: AL

Sunday 01 November 2026 12:26:04 GMT