සමහර වෙලාවට අපි නොහිතා කියන එක වචනයක් වුණත්, තවත් කෙනෙක්ගේ හිත ගොඩක් රිදවන්න පුළුවන්. ඒ වචන කියන කෙනාට ඒක පුංචි දෙයක් වුණත්, අහන කෙනාට ඒක කාලයක් තිස්සේ හිතේ රැඳෙන වේදනාවක් වෙන්න පුළුවන්. ඒ නිසා වචනයක් කියන්න කලින් දෙපාරක් හිතන්න. මොකද වචනවලට පුළුවන් හිනාවක් ගේන්න වගේම, කඳුළක් ඉතිරි කරන්නත්... ඒ වගේම, ආදරේ කරන දෙන්නෙක් අතර ඇතිවෙන පුංචි වැරැද්දක් නිසා, මෙච්චර කාලයක් ආදරෙන් ගොඩනඟාගත්ත බැඳීමක් එක මොහොතකින් නැති කරගන්න එපා. තරහ ගියාම කියවෙන හැම වචනයක්ම හිතේ තියෙන ඇත්තම හැඟීම නෙවෙයි. සමහර වෙලාවට අපිට වැඩියෙන්ම වටින අයගෙ හිත් රිද්දන්නෙත් අපි නොහිතා කියන වචනමයි.. 🤍 කෙනෙක් අතින් වැරැද්දක් වුණාම, ඒ වැරැද්දට වඩා ඒ කෙනා ඔයා වෙනුවෙන් කරපු දේවල් ගැනත් හිතලා බලන්න. එකට ගත කරපු කාලය, බෙදාගත්ත සතුට, දුකේදී ළඟින් හිටපු හැටි, එකට හදාගත්ත මතක... ඒ හැමදේම එක පුංචි වැරැද්දක් නිසා අමතක කරන්න තරම් වටිනාකමක් නැති දේවල් නෙවෙයි. මොකද සමහර මිනිස්සු අපේ ජීවිතවලින් ඈත් වුණාට පස්සේ ආයෙත් හමුවෙන්න පුළුවන්. ඒත් ඒ අය එක්ක තිබුණු ආදරයත්, බැඳීමත්, ඒ ලස්සන අතීතයත් ආයෙත් ඒ විදිහටම ලැබෙයි කියලා කියන්න බැහැ...🥀 ඒ නිසා පුළුවන් හැම වෙලාවකම තරහට වඩා ආදරය තෝරගන්න. අහංකාරකමට වඩා සමාව දෙන්න. මොකද දවසක ආපහු හැරිලා බලද්දී, තමන්ට වැඩියෙන්ම දුක හිතෙන්නේ කරපු පුංචි වැරැද්දක් ගැන නෙවෙයි... ඒ වැරැද්ද නිසා අහිමි කරගත්ත වටිනාම කෙනා ගැන වෙන්න පුළුවන්! 🤍 @mahirusenarathne @rshn.music #aisamuaran #mahirusenarathne#lyrics #foryou #fypシ゚ #whatsappstatus - @beats_page