#feelings # ဒဏ်ရာတွေပဲ ထပ်ပေးဖို့ဆိုရင်တော့ မင်းရဲ့ပြန်လာခြင်းကို ကိုယ်မလိုချင်တော့ဘူး။ ချစ်တယ်ဆိုတဲ့ စကားထက် ပေးခဲ့တဲ့နာကျင်မှုတွေက ပိုများနေပြီမို့လို့လေ။ တစ်ချိန်ကတော့ မင်းပြန်လာမယ့်နေ့ကို မျှော်လင့်ရင်း နေ့ရက်တိုင်းကို ဖြတ်သန်းခဲ့ဖူးတယ်။ မင်းဆီက စာလေးတစ်စောင်၊ ဂရုစိုက်မှုလေးတစ်ခုကိုတောင် ပျော်ရွှင်မှုကြီးတစ်ခုလို သဘောထားခဲ့ဖူးတယ်။ ဒါပေမဲ့ အခုတော့ မင်းပြန်လာမှာကို ရင်ခုန်မနေတော့ဘူး။ ထပ်ချစ်မိမှာထက် ထပ်နာကျင်ရမှာကို ပိုကြောက်တတ်လာခဲ့ပြီလေ။ မင်းကို မချစ်တော့လို့ မဟုတ်ဘူး။ ချစ်နေသေးပေမဲ့ ကိုယ့်စိတ်ကိုယ် ထပ်ပြီး အစိတ်စိတ်အမွှာမွှာ ကျိုးပဲ့သွားတာမျိုး မမြင်ချင်တော့လို့ပါ။ လူတစ်ယောက်ကို ချစ်တယ်ဆိုတာ အမြဲတမ်း ခွင့်လွှတ်ပေးနေရတာမျိုးလည်း မဟုတ်သလို၊ ပြန်လာတိုင်း လက်ခံပေးရတာမျိုးလည်း မဟုတ်ဘူးလေ။ တချို့လူတွေကို ချစ်နေရင်းနဲ့ပဲ ကိုယ့်ဘဝထဲကနေ ထွက်ခွာခွင့်ပေးရတယ်။ တချို့သံယောဇဉ်တွေကိုလည်း မပြတ်နိုင်သေးပေမဲ့ ဖြတ်တောက်ဖို့ ကိုယ့်ကိုယ်ကိုယ် သတ္တိမွေးရတယ်။ ဒီတစ်ခါတော့ မင်းကိုမမုန်းဘူး၊ ပြန်လာဖို့လည်း မတားဘူး။ ဒါပေမဲ့ မင်းပြန်လာမယ့်လမ်းမှာ ကိုယ့်အတွက် နေရာမရှိတော့ဘူး။ ကိုယ်ဟာ မင်းရဲ့အချစ်ကို ထပ်ပြီးတောင်းခံနေမယ့်သူ မဟုတ်တော့သလို၊ မင်းပေးတဲ့ဒဏ်ရာတွေကို အချစ်လို့ထင်ပြီး လက်ခံနေမယ့်သူလည်း မဟုတ်တော့ဘူးလေ။ ဒီတစ်ခါတော့ မင်းကို လွှတ်ပေးရင်း ကိုယ့်ကိုယ်ကိုယ်လည်း ပြန်ရွေးချယ်လိုက်ပြီ။ မင်းမရှိလို့ နာကျင်ရတာထက် မင်းရှိနေရင်း နေ့တိုင်းနာကျင်ရတာက ပိုပင်ပန်းလွန်းခဲ့ပြီမို့ပါ။ မင်းကို ချစ်ခဲ့တာ ကိုယ့်အမှားမဟုတ်ပေမဲ့၊ မင်းကြောင့်ပဲ ကိုယ့်ကိုယ်ကိုယ် ထပ်ခါထပ်ခါ နာကျင်ခွင့်ပေးနေတာကိုတော့ ဒီတစ်ခါ အဆုံးသတ်ချင်ပြီ။ #မူရင်းစာသားပိုင်ရှင်အားcrdပေးပါတယ်🥰 #Hurtfeelings #feelingsandemotions #စာတို💯 - @maisie81e