@wendefm: Binadamu anapaswa kutambua kuwa maisha yana mwisho, kwani kifo kinapomfika mtu hukatisha mipango na matarajio yake yote aliyokuwa akitarajia kuyatimiza hapa duniani. Hayo yamesemwa na Paroko Msaidizi wa Kanisa Katoliki Parokia ya Igwachanya, Wilaya ya Wanging’ombe, Padre Ezekiel Mlelwa, wakati wa misa ya mazishi ya mpiga picha maarufu na mkongwe kutoka Igwachanya, marehemu Bw. Steward Lukenda, iliyofanyika leo, Jumapili, Novemba 1, 2026. Padre Mlelwa ameeleza kuwa kifo kinapomfika mwanadamu, hushindwa kuendelea na shughuli na majukumu aliyokuwa akiyafanya akiwa hai, hivyo kuwataka waumini kujiandaa kiroho, kumtegemea Mungu na kuwa imara katika imani, wakitambua kuwa hakuna anayejua siku wala saa ya mwisho wa maisha yake. #nguvuyaupendo❤️🤍 #wendefm

Wende FM

Open In TikTok:

Region: TZ

Sunday 01 November 2026 17:13:16 GMT