يا زينب، يا أجمل صدفة صارت بعمري، يا عيونچ اللي من أشوفهن أحس الدنيا كلها تهون، شلون أوصفلچ شكد أحبچ؟ وشلون أشرح لج شنو تسوين بگلبي من تضحكين؟ والله عيونچ مو بس حلوات، عيونچ حكاية حب ما تنتهي، بيهن ألقى راحتي، وبيهن أشوف أحلى أيام عمري. يا زينب، عيونچ مثل نجمتين بليل طويل، ينورن دربي من أضيع، وبيهن أشوف كلشي حلو بالحياة. من تطالعيني أحس كل الكلام يضيع مني، وأبقى بس أريد أتأملهن، لأن ماكو شي بالدنيا يگدر يوصف جمالهن. عيونچ بيهن سحر مو طبيعي، وبيهن حنية تخليني أنسى تعبي وهمومي. بويه يا زينب، لو أگدر أخلي عيونچ بگلبي حتى أشوف الدنيا من خلالهن، جان ما خليت لحظة تمر بدون ما أتأمل جمالهن. أحب نظراتچ، أحب لمعة عيونچ من تفرحين، وأحب حتى هدوءهن من تسكتين. أحب كل تفصيلة بيهن، لأنهن جزء منچ، وانتي بگلبي أغلى من كلشي. يا بعد روحي، لو يدرون شكد عيونچ غالية عندي، جان عرفوا ليش كل ما أذكر اسمچ أبتسم، وليش كل ما أشوفچ أحس الدنيا صارت أحن وأجمل. انتي مو بس حلوة، انتي الجمال اللي ما ينمل، والعيون اللي مهما أطالعهن أبقى مشتاقلهن. يا زينب، أحبچ حب ما ينقاس بالكلام، وأحب عيونچ حب لو أكتب عنه ألف قصيدة، تبقى القصايد كلها قليلة بحقهن. الله لا يحرمني من ضحكتچ، ولا من نظراتچ، ولا من هالعيون اللي صارت عندي أجمل وطن وأحن مكان. عيونچ يا زينب، مو مجرد عيون، عيونچ وطن، وأنا كل ما أضيع أرجع ألقى روحي بيهن. ❤️#محبين_زينب #تعاليقكم_الحلوة #منشنوها #اكسبلورررررررررررررررررررر💥🌟💥🌟💥💥🌟🌟🌟🌟🌟 #شعب_الصيني_ماله_حل😂😂 - @_znb9