يا قلبي ما تبكيش، لي باعك ما تشريش، ولي نساك انساه وما تعطيهش أكثر من قيمتو. ما تحزنش على إنسان ما عرفش قيمتك، وما تندمش على حب عطيتو من قلبك. أنت حبيت بصدق، وفيت، وصبرت، ودرت اللي عليك، وما قصرتش. ماشي عيب أنك حبيت، وماشي ضعف أنك تعلقت، العيب في اللي شاف قلبك صافي وما عرفش يحافظ عليه. يا قلبي ما تبكيش، حتى لو كانت غالية عليك، وحتى لو كنت تشوف فيها دنياك كاملة، ما تخليش غيابها يكسرك. ما تنساش شحال من مرة ضحكت رغم وجعك، وشحال من مرة سكت باش ما تكبرش المشاكل، وشحال من مرة تنازلت غير باش تبقى العلاقة واقفة. كنت حاسبها ليا، وكنت نحلم بيها معايا، بصح ماشي كل واش يتمناه القلب يلقاه. مرات نعطيو ناس مكانة كبيرة في حياتنا، وهم ما يعرفوش حتى يحافظو على هاد المكانة. ومرات نتعلقو بإنسان وننسو رواحنا في سبيلو، حتى نفيقو ونلقاو رواحنا تعبنا أكثر مما فرحنا. يا قلبي ما تبكيش، اللي مكتوبلك ربي يجيك، واللي ما كانش من نصيبك مهما تمسكت بيه يروح. ما تجريش وراء اللي اختار يبعد، وما تطلبش الحب من إنسان المفروض يعطيهولك من قلبو. خليك عزيز، وخلي كرامتك فوق كل شيء. وإذا جاك نهار وحنّيت، تذكر علاش وجعك قلبك، وإذا اشتقت، تذكر بلي حتى أنت تستاهل واحد يشتاقلك، يخاف عليك، ويسقسي عليك، ويتمسك بيك كيما تتمسك بيه. يا قلبي ما تبكيش، لي باعك ما تشريش، ولي ما شافش قيمتك اليوم، ما تستناش منو يعرفها غدوة. ربي وحدو يعلم شحال حبيت، وشحال تمنيت، وشحال من وجع خبيت. وأنا رغم كل شيء، نتمنى الخير، بصح هاذ المرة لازم نتعلم نحب روحي شوية، وما نخليش قلبي يضيع في بلاصة ما لقى فيها راحتو. ❤️ #الحب #العشق #الشوق #fyp #for @نجاة شيطنة - @lenostalgique47