@suhlaing9525: ​"စာဖတ်ချိန် မရှိအောင် အောင်မြင်ဖို့ ကြိုးစားနေပါတယ်" ဆိုတဲ့ စကားကို ကြားဖူးကြမှာပါ။ တခါတလေကျရင် ကိုယ်တိုင်တောင် အဲဒီလို ခံစားမိတတ်ကြပါသေးတယ်။ ဒါပေမယ့် အဲဒီလိုတွေးလိုက်မိတဲ့ အချိန်ကစပြီး အောင်မြင်ဖို့ဆိုတဲ့ လမ်းကြောင်းကနေ ကိုယ်တိုင်ဖယ်ခွာလိုက်သလို ဖြစ်သွားပါပြီ။ ​ဘာကြောင့်လဲဆိုတော့ ဘာစာမှ မဖတ်တဲ့သူမှာ ဘာစိတ်ကူးသစ်မှ ရှိလာစရာ မဟုတ်သလို ဘာနည်းလမ်းကောင်းမှလည်း သိလာမှာမဟုတ်ပါဘူး။ အမြင်ကျယ်တဲ့ အတွေးအခေါ်လည်း ဝင်လာမှာ မဟုတ်ပါဘူး။ ဘာအောင်မြင်မှုမှ မယ်မယ်ရရ ရှိလာနိုင်စရာ အကြောင်းလည်း မရှိနိုင်ပါဘူး။ ​လောကကြီးက အမြဲတမ်းပြိုင်ဆိုင်မှုတွေနဲ့ ပြည့်နှက်နေပါတယ်။ ကိုယ်က သူများထက် ခြေတစ်လှမ်းသာချင်တယ် အရည်အချင်း ပိုရှိချင်တယ်၊ ကိုယ်မျှော်မှန်းတဲ့ အောင်မြင်မှုမျိုးကို ပိုင်ဆိုင်ချင်တယ်ဆိုရင် စာဖတ်ဖို့ မဖြစ်မနေ လိုပါတယ်။ ​ဒီနေရာမှာ စာအုပ်အထူကြီးတွေ ကိုင်ပြီး ထိုင်ဖတ်မှ မဟုတ်ပါဘူး။ စာအုပ် စာတမ်းနဲ့ပဲ ဖတ်ဖတ်၊ ​ကိုယ့်ရဲ့ လက်စွဲတော် ဖုန်းလေးထဲကနေပဲ ရှာဖွေပြီးဖတ်ဖတ် ​အဓိကက စာဖတ်နေဖို့ အသိပညာ ဗဟုသုတကို ဖြည့်တင်းနေဖို့ ပါပဲ။ ​ဗဟုသုတတွေ လေ့လာတယ်ဆိုတာ သတင်းအချက်အလက် စုဆောင်းတာ သက်သက် မဟုတ်ပါဘူး။ ကိုယ့်ရဲ့ အသိအမြင်၊ အတွေးအခေါ်တွေကို မြှင့်တင်ဖို့ ဖြစ်ပါတယ်။ တပါးသူတွေက တစ်ဘဝလုံး ရုန်းကန်ပြီး တွေ့ရှိခဲ့တဲ့ အတွေ့အကြုံတွေ၊ ပညာရပ်တွေကို စာအုပ်တစ်အုပ်၊ ဆောင်းပါးတစ်ပုဒ်ထဲမှာ နည်းနည်းလေးနဲ့ အနှစ်ချုပ်ပေးထားတာကို ဖတ်ရှုခြင်းက စာဖတ်ခြင်းပါပဲ။ အဲ့ဒီလို အသိပညာတွေကို ကိုယ်က အလွယ်တကူ ရှာဖွေလေ့လာ သင်ယူနိုင်ပြီဆိုရင် ကိုယ့်ရဲ့ ဦးနှောက်ဟာ တဖြည်းဖြည်းနဲ့ ပိုပြီး ထက်မြတ်လာပါမယ်။ ပြဿနာတွေကို ဖြေရှင်းနိုင်စွမ်း မြင့်မားလာပါမယ်။ ​ဒါကြောင့် ကိုယ့်ရဲ့ အောင်မြင်မှုကို လိုချင်တယ်ဆိုရင် "စာဖတ်ချိန် မရှိဘူး" ဆိုတဲ့ အကြောင်းပြချက်ကို ဖယ်ရှားလိုက်ပါ။ တစ်နေ့ကို အနည်းဆုံး မိနစ်အနည်းငယ်လောက်ပဲဖြစ်ဖြစ် ကိုယ်စိတ်ဝင်စားတဲ့ ဘာသာရပ်တစ်ခုခု ကိုယ့်ဘဝ တိုးတက်စေမယ့် အကြောင်းအရာတစ်ခုခုကို စတင်ဖတ်ရှုပါ။ ​စာဖတ်ခြင်းဆိုတာ အောင်မြင်မှုဆီ သွားတဲ့ခရီးအတွက် အကောင်းဆုံးနဲ့ အ​​သေချာဆုံး အထောက်အပံ့ ဖြစ်ပါလိမ့်မယ်။ ဒီနေ့ကစပြီး ကိုယ့်အတွက် စာဖတ်ချိန်လေး တစ်ခုကို ဖန်တီးပေးလိုက်ရအောင်ပါ။ #Card_to_owner_with_respect #BussinessOpportunity #Online Business

Su Su

Open In TikTok:

Region: MM

Monday 02 November 2026 05:23:42 GMT