@nadawellbeing: 20 سنة والمرض المناعي مستخبي! الأمراض المناعية مش بتظهر فجأة، الأمراض المناعية بتظهر قبل سنوات طويلة من تشخيصها. الروماتويد ممكن يبدأ قبل عشر سنوات كاملة من اكتشافه، متلازمة شوجرن ممكن تبدأ قبل 20 سنة، والذئبة كمان ممكن تبدأ قبلها بسنوات. ماحدش بينام كويس، فجهازه المناعي يقرر بالليل إنه هيتجنن عليه، فيصحى الصبح يلاقي عنده روماتويد ولا ذئبة ولا MS. المرض المناعي بيحتاج تغيرات معقدة كتير جينية وبيئية وهرمونية ومناعية تفضل تحصل وتتراكم لفترات طويلة عشان تظهر بعد سنين كتير في صورة مرض مناعي. والكلام ده مش مجرد تخمينات. فيه مراجعة علمية كبيرة ومنشورة في 2025 بعنوان Windows for intervention in the prearthritis phase of rheumatoid arthritis? المراجعة دي ناقشت أفكار كتير جدًا ممكن نتكلم عنها في عدد من الفيديوهات لأن فيديو واحد مش هيكفي. لكن الباحثين وجدوا إن الإصابة بالروماتويد والأمراض المناعية عمومًا بيمر بمراحل كتير جدًا قبل التشخيص السريري. بتبدأ باستعداد وراثي وبيئي، ثم ظهور استجابة مناعية ذاتية، ثم مرحلة مناعة ذاتية بلا أعراض، كل دي مراحل الشخص مش بيكون حاسس بأي حاجة خالص، ثم ألم مفاصل بدون التهاب ظاهر، ثم التهاب مفاصل تحت سريري، يعني التهاب مفاصل خفيف لا يصنف كمرض معين، ثم المرحلة الأخيرة ظهور الروماتويد السريري. عشان كدة من مريضة روماتويد سابقًا بتكلم معاكم كتير عن نمط الحياة الصحي، الأكل النضيف، الرياضة، النوم الكويس، إننا نسمع أجسامنا وننتبه للإشارات، عن صحة الجهاز الهضمي، عن الصحة النفسية، الصحية النفسية، الصحة النفسية، خطورة نقص المعادن والفيتامينات الأساسية، خطورة ضعف المناعة. دي كلها حاجات ممكن تجنبكم أصلًا الوصول لمرض مناعي في المستقبل. لأن حتى الشخص اللي بدأت في جسمه النوع ده من التغيرات مش بالضرورة يوصل لمرض مناعي لو انتبه للحاجات دي وصلحها. الفيديو الجاي هقولكم على شيء مهم جدًا ممكن فعلًا يحول الشخص من مريض مناعة ذاتية محتمل، لمريض مناعة ذاتية حقيقي، الشيء ده أنا شوفته كتير، وإنتو تقدروا تتجنبوه بسهولة. لو عندكم مرض مناعي اكتبولي في التعليقات بدأتوا تحسوا إن جسمكم فيه حاجة غلط إمتى واتشخصتوا بعدها بقد إيه لو عايزين نتكلم أكتر عن الموضوع. إخلاء مسؤولية طبية (Medical Disclaimer): المحتوى المقدم في هذا الفيديو هو بغرض التعليم والتوعية العامة فقط، ولا يعتبر استشارة طبية مهنية أو تشخيصاً أو علاجاً. المعلومات الواردة هنا تعبر عن تجارب وأبحاث في مجال التغذية العلاجية والطب البديل. يجب دائماً استشارة الطبيب المختص قبل البدء في أي نظام غذائي جديد أو تناول مكملات غذائية، خاصة إذا كنت تعاني من حالة طبية مزمنة أو تتناول أدوية بانتظام. الاعتماد على المعلومات الواردة في هذا الفيديو يتم على مسؤوليتك الشخصية.

Nada Harfoush | Wellbeing 🤍

Open In TikTok:

Region: AE

Monday 02 November 2026 07:04:24 GMT