@toplumtv: Elm və təhsil nazirinin müavini Firudin Qurbanov dövlət ümumi təhsil müəssisələrində şagird və müəllimlər üçün tətbiq olunan vahid geyim qaydaları barədə APA-ya müsahibə verib. Nazir müavininə ünvanlanan sualların demək olar ki, hər biri geyim qaydaları haqda olub. Qaydalar son bir neçə həftədə hicablı şagird və müəllimlərin məktəblərə buraxılmaması ilə nəticələnsə də, F.Qurbanov cavablarında, ümumiyyətlə, “hicab” sözünü işlətməyib. “Son dəyişikliklər tələblərin daha aydın və birmənalı şəkildə tətbiqinə, məktəbli formasının vahidliyini pozan əlavə elementlərlə bağlı mümkün müxtəlifliyin aradan qaldırılmasına xidmət edir. Azərbaycan Respublikasının Konstitusiyasında təsbit olunduğu kimi, təhsil sistemimiz dünyəvi xarakter daşıyır. Qaydalar da bu prinsipləri özündə ehtiva edir. Bir məqamı xüsusi vurğulamaq istəyirəm ki, xüsusi bəzəkdən istifadə edən, zinət əşyaları taxan, eləcə də müəyyən edilmiş məktəbli formasından fərqli geyim tərzində təhsil müəssisəsinə gələn şagirdlərə münasibətdə də qaydalar eyni şəkildə tətbiq edilir, məktəbli geyimində vahidliyin qorunmasına xidmət edir. Məqsədimiz hər bir təhsilalanın – qız və oğlanların da məktəb həyatında fəal iştirakını, təhsilə davamlı marağını və məsuliyyət hissini təşviq etməkdir. Qaydalar da hər kəs üçün eynidir və bu amala xidmət edir, hansısa geyim komponentinin qadağasına yönəlməyib”, - o qeyd edib. F.Qurbanov vahid geyim qaydalarının tətbiqini beynəlxalq praktika ilə əsaslandırarkən son vaxtlar Azərbaycanla münasibətlərində gərginlik yaşanan Türkiyəyə istinad edib. “Hətta Türkiyədə də bununla bağlı hüquqi tənzimləmə mövcuddur. Şagirdlərin geyim və xarici görünüşünü müəyyən edən müvafiq əsasnaməyə əsasən, məktəbəqədər təhsil müəssisələrində və ibtidai məktəblərdə şagirdlərin məktəb daxilində başıaçıq olması nəzərdə tutulur”, - o deyib. Nazir müavini geyim qaydalarının tətbiqi ilə bağlı məktəblərdə monitorinqlərin davam edəcəyini bildirib. Azərbaycanda son bir neçə həftədə ölkəboyu dövlət ümumi təhsil məktəblərində hicablı şagirdlərin dərsə buraxılmadığı bildirilir. Eyni zamanda, hicablı müəllimlər hicablarını açmaları və ya işdən çıxmaları ilə bağlı seçim qarşısında qoyulduqlarını deyir.

Toplum TV

Open In TikTok:

Region: AZ

Monday 02 November 2026 08:47:42 GMT