@cawabemedia_: Rais wa Jamhuri ya Muungano wa Tanzania, Samia Suluhu Hassan, amemtaka Mkuu wa Mkoa mteule wa Tabora, Angelina Mabula, kuhakikisha fedha za Serikali zinazotolewa kwa ajili ya miradi ya maendeleo zinatumika kwa malengo yaliyokusudiwa na kuwanufaisha wananchi. Rais Samia ametoa maelekezo hayo leo, Novemba 2, 2026, wakati wa hafla ya kuwaapisha viongozi wateule iliyofanyika Ikulu ya Chamwino, Dodoma, ambapo pia amempongeza Mabula kwa safari yake ya uongozi katika nyadhifa mbalimbali za Serikali. Amesema uzoefu wa Mabula alioupata akiwa Mkuu wa Wilaya, Naibu Waziri, Waziri na Mbunge unampa uelewa mpana kuhusu majukumu ya Serikali, taratibu za ugawaji wa fedha pamoja na mahitaji ya wananchi. Aidha, Rais Samia amemtaka kushirikiana na viongozi pamoja na watumishi wa umma atakaowakuta mkoani Tabora ili kusimamia matumizi sahihi ya rasilimali za Serikali na kuhakikisha miradi ya maendeleo inaleta matokeo chanya kwa wananchi.

cawabemedia

Open In TikTok:

Region: TZ

Monday 02 November 2026 09:38:50 GMT