@miss.emm22: កូនខ្នើយកម្ពុជាត្រៀមខ្លួន! Ayden Sng តួឯកប្រុសរឿង «Double Helix» នឹងបង្ហាញខ្លួនក្នុងព្រឹត្តិការណ៍ Brand ធំមួយនៅកម្ពុជាពាក់កណ្ដាលខែវិច្ឆិកានេះ --------- ក្ដីស្រមៃរបស់ក្រុមអ្នកគាំទ្រ Little Pillow នៅកម្ពុជាបានក្លាយជាការពិតហើយ! ថ្មីៗនេះ ក្រុមអ្នកគាំទ្រផ្លូវការរបស់តារាសម្ដែងប្រុស Ayden Sng និង Lyu Sitong បានបញ្ចេញកាលវិភាគការងារផ្លូវការប្រចាំខែវិច្ឆិកា ឆ្នាំ២០២៦ នេះ។ អ្វីដែលធ្វើឱ្យអ្នកគាំទ្រក្នុងស្រុកមានការភ្ញាក់ផ្អើល និងរំភើបជាខ្លាំងនោះ គឺតារាសម្ដែងប្រុស Ayden Sng នឹងមានវត្តមានជាផ្លូវការនៅក្នុងព្រឹត្តិការណ៍នៃម៉ាកយីហោ (Brand Event) មួយនាទឹកដីប្រទេសកម្ពុជានៅថ្ងៃទី១៤ ខែវិច្ឆិកា ខាងមុខនេះ។ គួររំឮកផងដែរថា នេះគឺជាលើកទី២ ហើយដែល Ayden Sng បានធ្វើដំណើរមកកាន់ប្រទេសកម្ពុជា។ កាលពីខែវិច្ឆិកា ឆ្នាំ២០២៥ កន្លងទៅ រូបលោកធ្លាប់បានមកចូលរួមក្នុងកម្មវិធី Bvlgari Aeterna High Jewelry Presentation នៅខេត្តសៀមរាបម្ដងរួចមកហើយ។ ទោះបីជាធ្លាប់មកលេងកម្ពុជាត្រឹមតែមួយលើកក្ដី ប៉ុន្តែតួឯកប្រុសក្នុងរឿង «Double Helix» រូបនេះ តែងតែបង្ហាញពីក្តីស្រឡាញ់ និងការចងចាំយ៉ាងល្អចំពោះអ្នកគាំទ្រកម្ពុជាជានិច្ច។ បន្ទាប់ពីទទួលបានជោគជ័យយ៉ាងខ្លាំងពីការសម្ដែងក្នុងរឿងភាគ BL «Double Helix» គូតួឯក Ayden Sng និង Lyu Sitong ទទួលបានការគាំទ្រយ៉ាងច្រើនសន្ធឹកសន្ធាប់ពីសំណាក់អ្នកគាំទ្រអន្តរជាតិ។ ទោះបីជាសាច់រឿងបានបញ្ចប់ ប៉ុន្តែទំនាក់ទំនងរបស់អ្នកទាំងពីរមិនបានបញ្ចប់តាមសាច់រឿងគឺនៅតែបន្តដើរទន្ទឹមគ្នាជានិច្ចដោយរាល់ភាពជោគជ័យរបស់អ្នកណាម្នាក់តែងតែមានការជ្រោមជ្រែងពីម្នាក់ទៀតជានិច្ច។ ចំណងដ៏ស្អិតរមួតនេះហើយ ទើបផ្ដើមឱ្យអ្នកទាំងពីរសម្រេចិត្តបង្កើតឈ្មោះក្រុមអ្នកគាំទ្រគូជាផ្លូវការគឺ Xiao Zhen Tou (小枕头) ដែលប្រែជាភាសាអង់គ្លេសថា Little Pillow និងខេមរភាសាថា "កូនខ្នើយ"។ ខណៈពេលដែលក្ដីស្រមៃបានសម្រេចមួយជំហានហើយនោះ អ្វីដែលកូនខ្នើយកម្ពុជានៅតែបន្តរង់ចាំក្ដីស្រមៃធំមួយទៀតគឺការរៀបចំកម្មវិធីជួបជុំអ្នកគាំទ្រផ្លូវការ (Fan Meeting) រវាងតារាសម្ដែងទាំងពីរនៅលើទឹកដីកម្ពុជា។ យ៉ាងណាមិញព័ត៌មានលម្អិតអំពីឈ្មោះកម្មវិធី ទីតាំង និងពេលវេលាជាក់លាក់នៃការបង្ហាញខ្លួនរបស់ Ayden Sng នៅមិនទាន់មានការប្រកាសផ្លូវការនៅឡើយទេ។ ក្រុមការងារ Star-Trend KH នឹងបន្តតាមដាន និងធ្វើការ update ព័ត៌មានលម្អិតជូនប្រិយមិត្តអ្នកអាននៅពេលក្រោយ៕ អត្ថបទដោយ៖ Star-Trend KH #AydenSng #Aylio #drama #doublehelix #startrendkh

🇰🇭Kh chin Korean (កញ្ញាអែម)

Open In TikTok:

Region: KH

Monday 02 November 2026 09:51:18 GMT