@ahmedcooks.sa: دغابيس جدتي المقادير للمرقة: كيلو لحم غنم لترين مويا للدغابيس: كوبين دقيق بر كوب مويا رشة ملح الطريقة: - نغلي المويا مع اللحم ونصفيها من الزفر، نوطي النار اقل شي ونقفل عليهم لساعة ونص تقريبا " يختلف حسب نوع اللحم ". - وللدغابيس نعجن كوبين دقيق بر مع ملح وكوب مويا، الين ما يكونو معانا عجينة متماسكة بس تلصق شوية، ونغطيها ونخليها ترتاح على جمب، برضو انواع الدقيق تختلف فممكن نزيد او نقلل من الدقيق والمويا، وفي الاصل المفروض تكون العجينة اطرى من اللي في الفيديو بشوية، عشان كذا طلعت معايا ناشفة شوية. - نرجع للحم ونضيفلو رشة ملح محترمة. - ونقسم عجينتنا على ٦ كور، ونطبطبها بحيث انها تكون اسمك من عجينة المرقوق، وان كانت تلصق تمسحها بشوية مويا ونطبطبها. - نضيف ثلاث دغابيس ونخليها دقايق تشرب المرق، بعدها نضيف الثلاثة دغابيس الباقية، ولما تتماسك نغطي القدر ونسيبهم نص ساعة. ممكن نزيد زيادة مويا لو كانت نشفت - نغرف الدغابيس واللحم في صحن، ونصب المرقة في طاستين، ولو كانت المرقة قليلة نقدرر نزدلها مويا، ولو حبينا نضيف فلفل اسود وبصل اخضر عالمرقة، وبهناء وعافية. الكمية تكفي من شخصين لثلاثة. #١٣_منطقة_١٣_طبق_مالح #الباحة #السعودية #لحم

Ahmed Cooks

Open In TikTok:

Region: SA

Monday 02 November 2026 10:00:56 GMT