@soesoe5447: ရွှေဥမင်ဆရာတော်ဘုရားကြီးရဲ့ တရားအားထုတ်နည်း ၁။ တရားအားထုတ်စဉ် အရေးအကြီးဆုံးက သဘောထားမှန်ဖို့..စိုက်မရှုနဲ့ ၊ ထိန်းမရှုနဲ့ ၊ လုပ်မရှုနဲ့ ၊ ချုပ်မရှုနဲ့ ...၊ ၂။ ဖြစ်အောင်လည်း မလုပ်နဲ့ ပျက်အောင်လည်း မလုပ်နဲ့ ဖြစ်တိုင်း ပျက်တိုင်းလည်း မမေ့နဲ့၊ သိနေရမယ်၊ ၃။ ဖြစ်အောင်လုပ်ရင် လောဘ ပျက်အောင်လုပ်ရင် ဒေါသ ဖြစ်တိုင်း ပျက်တိုင်း မသိရင် မောဟ ...၊ ၄။ ရှုမှတ်စိတ်မှာ လောဘ, ဒေါသ,သောက မပါမှ ရှုမှတ်စိတ်ဖြစ်မယ် ...၊ ၅။ ဘယ်လိုသဘောထားနဲ့ အားထုတ်နေလဲလို့ ပြန်စစ်ဆေးကြည့်ရမယ် ...၊ ၆။ ကောင်းတာလည်း ရှုရမှာပဲ ၊ ဆိုးတာလည်း ရှုရမှာပဲ ...၊ ၇။ ကောင်းတာမှ လိုချင်တယ် မကောင်းတာဆို နည်းနည်းမှမလိုချင်ဘူး ဆိုရင် တရားပါ့မလား ...၊ ၈။မျှော်လင့်ချက်မပါစေနဲ့၊ လိုချင်တာမပါစေနဲ့ ကြောင့်ကြစိတ် မပါစေနဲ့ ဒီသဘောထားတွေ ရှုစိတ်ထဲရှိနေရင် တရားအားထုတ်လို့ အဆင်မပြေနိုင်ဘူး၊ ၉။ ဘာဖြစ်လို့ ဒီလောက်စိုက်ပြီး ရှုနေရတာလဲ ဖြစ်ချင်လို့၊ လိုချင်လို့၊ ပျောက်ချင်လို့ တခုခု ဖြစ်နေတတ်တယ် ...၊ ၁၀။ စိတ်က ပင်ပန်းဆင်းရဲနေရင် တရားအားထုတ်တာ တခုခုလိုနေပြီ ...၊ ၁၁။ စိတ်တင်းကျပ်မှုနဲ့ တရားအားမထုတ်နိုင်၊ ၁၂။ စိတ်နဲ့ကိုယ်ပင်ပန်းဆင်းရဲလာရင်တရား အားထုတ်မှုကို ပြန်စစ်ဆေးသင့်တယ် မှန်ကန်တဲ့ သဘောထားမျိုး ရှိရဲ့လား၊ ၁၃။ တရားအားထုတ်တယ် ဆိုတာ သတိ အသိနဲ့ စောင့်ကြည့်နေတာ။ စဉ်းစားနေတာ, ဆင်ခြင်နေတာ, ဝေဖန်နေတာ မဟုတ်ဖူး ...၊ ၁၄။လိုချင်တဲ့စိတ် ဖြစ်ချင်တဲ့စိတ်နဲ့ အားမထုတ်နဲ့ ပင်ပန်းတာဘဲ အဖတ်တင်မယ် ...၊ ၁၅။ တရားအားထုတ်တဲ့စိတ်က အေးအေး ဆေးဆေးနဲ့ ငြိမ်းငြိမ်းချမ်းချမ်း ရှိရမယ် ...၊ ၁၆။ စိတ်ရော ကိုယ်ရော သက်တောင့် သက်သာ ရှိရမယ်၊ ၁၇။ လွတ်လပ်ပေါ့ပါးတဲ့ စိတ်နဲ့မှ တရားအားထုတ်လို့ ရတယ် ...၊ ၁၈။ တရားအားထုတ်တယ်ဆိုတာ ကောင်းကောင်း ဆိုးဆိုး ဘာလာလာ လက်ခံပြီး အေးအေး ဆေးဆေး ကြည့်နေတာဘဲ၊ ၁၉။ စိတ်က ဘာလုပ်နေလဲတွေးနေသလား, သိနေသလား ...၊ ၂၀။ စိတ်က ဘယ်ရောက်နေလဲ အတွင်းမှာလား, အပြင်မှာလား ...၊ ၂၁။ သိနေတဲ့စိတ် ရှုနေတဲ့စိတ်က သေချာသိလား၊ အပေါ်ယံသိလား ...၊ ၂၂။ ဖြစ်ချင်တဲ့ပုံစံဖြစ်အောင်လုပ်နေတာ မဟုတ် ဖြစ်နေတာကို ဖြစ်နေတဲ့အတိုင်း သိအောင် လုပ်နေတာ ...၊ ၂၃။ အတွေးကို ပြဿနာ မရှာနဲ့ မတွေးအောင် လုပ်နေတာ မဟုတ်၊ တွေးရင် တွေးမှန်းသိအောင် လုပ်နေတာ ...၊ ၂၄။ အာရုံကို ပယ်ရမှာ မဟုတ် ၊ အာရုံကြောင့်ဖြစ်တဲ့ ကိလေသာကိုသိပြီး (ရှုမှတ်ပြီး) ပယ်ရမယ် ...၊ ၂၅။ သဒ္ဓါရှိမှ ဝီရိယ ရှိမယ်၊ ဝီရိယ ရှိမှ သတိမြဲမယ်၊ သတိမြဲမှ သမာဓိ တည်မယ်၊ သမာဓိ တည်မှ အမှန်အတိုင်း သိမယ်၊ အမှန်အတိုင်းသိတော့ သဒ္ဓါပိုဖြစ်တယ်၊ ၂၆။ ပစ္စုပ္ပန်တည့်တည့်ကို သတိထားနေရမယ် အတိတ်ကိုလည်း မပြန်နဲ့ ၊ အနာဂတ်ကိုလည်း မကြံနဲ့ ...၊ ၂၇။ အာရုံက အရေးမကြီးဘူး ၊ အနောက်က အလုပ်လုပ်နေတဲ့စိတ်က ပိုအရေးကြီးတယ် ၊ ရှုမှတ်စိတ်သာ သဘောထားမှန်ရင် အာရုံအမှန်ရမှာပဲ ...။ #ရွှေဥမင်ဆရာတော်ဘုရားကြီး

期待されるゴール

Open In TikTok:

Region: TH

Monday 02 November 2026 12:31:03 GMT