@ahmed_alayoub: تخيلوا واحد غسل سيارته 100 مرة! إي نعم، 100 مرة! والسبب اشتراك غسيل سيارات غير محدود! 😂 السالفة إن هالريال اشترك بمغسلة سيارات لمدة 30 يوم، وقالوا له تقدر تغسل سيارتك كثر ما تبي، من غير عدد محدد! الريال قال لهم: يعني حتى لو أغسل سيارتي أكثر من مرة باليوم عادي؟ قالوا له: إي نعم، غسيل غير محدود! قال: زين… الحين أوريكم شنو يعني غير محدود! 😂 أول مرة دخل وغسل سيارته وطلع، وكل شي كان طبيعي. بس بدال لا يروح بيته، لف ورجع مرة ثانية! والعامل اللي اسمه لوغان، كل مرة يشوفه يرد، يضحك ويسلم عليه ويأشر له يدخل! بس الريال ما وقف هني! كل ما يطلع من المغسلة، يلف ويرد يدخل مرة ثانية! واستمر على هالحركة لين وصل 100 غسلة! تخيلوا، 100 غسلة لنفس السيارة، والعامل كل مرة يستقبله بابتسامة! لين وصل مرحلة قال له: خلاص، إيدي تعورت من كثر ما أوجهك! 😂 وآخر شي شوفوا شلون قاعد يوجهه، جنه موظف بالمطار يوجه الطيارات! بس الصراحة لوغان يستاهل كل خير، طول الوقت مبتسم ومتعاون، وما فقد أعصابه! والحين أبي أسألكم… دام الاشتراك غير محدود، هل الريال من حقه يغسل سيارته 100 مرة؟ ولا تشوفون إنه زوّدها وايد؟ وإنتوا لو عندكم نفس الاشتراك، جم مرة تغسلون سيارتكم؟ 😂

أحمد الأيوب

Open In TikTok:

Region: AE

Monday 02 November 2026 12:34:34 GMT