📚 «12 АЙДА 12 КІТАП» ЖОБАСЫ АЯСЫНДАҒЫ «ҮЗДІК ОҚЫРМАН» САЙЫСЫНЫҢ ЖЕҢІМПАЗДАРЫ МАРАПАТТАЛДЫ! 🏆 📖 Мектебімізде «12 айда 12 кітап» жобасы аясында ұйымдастырылған «Үздік оқырман» кітап оқу сайысы қорытындыланып, жеңімпаздар мен қатысушыларды марапаттау рәсімі өтті. Сайыстың мақсаты – оқушылардың көркем әдебиетке қызығушылығын арттыру, кітап оқу мәдениетін қалыптастыру және шығарманы талдау дағдыларын дамыту. 📚 Сайыс барысында оқушылар қазақ және орыс тілдерінде төмендегі шығармаларды оқыды: 📗 5–6-сыныптар – Б. Соқпақбаевтың «Менің атым Қожа» повесін; 📘 7–8-сыныптар – С. Мұратбековтің «Жабайы алма» повесін; 📙 9–11-сыныптар – Ә. Кекілбаевтың «Атаманның ақыры» повесін. Қорытынды кезеңде қатысушылар оқыған шығармалары бойынша тест тапсырмаларын орындап, билет арқылы қойылған ауызша сұрақтарға жауап берді. 🏆 «ҮЗДІК ОҚЫРМАН» АТАНҒАН ОҚУШЫЛАР: 🥇 5-сыныптар арасында – 5 «А» сынып оқушысы Қалтай Аяна; 🥇 6-сыныптар арасында – 6 «А» сынып оқушысы Рахмет Асылжан; 🥇 7-сыныптар арасында – 7 «В» сынып оқушысы Хусейнова Камила; 🥇 8-сыныптар арасында – 8 «А» сынып оқушысы Мекенбай Ақсезім; 🥇 9-сыныптар арасында – 9 «Ә» сынып оқушысы Ерханова Шаттық; 🥇 10-сыныптар арасында – 10 «В» сынып оқушысы Гатаулина Лола. 🎁 Сайысты қолдау мақсатында демеушілер тарапынан арнайы жүлде қоры бөлінді. Сол қор есебінен «Үздік оқырман» атанған оқушылар қаржылай сыйлықтармен марапатталып, сайысқа қатысқан оқушыларға ынталандыру сыйлықтары табысталды. 👏 Жеңімпаздарды құттықтаймыз! Барлық қатысушыларға белсенділігі үшін, ал демеушілерге көрсеткен қолдауы үшін алғыс білдіреміз! 📚 «Үздік оқырман» сайысы алдағы уақытта да өз жалғасын тауып, оқушылар арасында кітап оқу мәдениетін дамытуға бағытталған игі дәстүрге айналады деп сенеміз. ✨ Кітап – білім мен рухани байлықтың қайнар көзі. Әр оқылған шығарма – жаңа ой мен жаңа танымға бастар жол. Барша оқушыларды кітапты серік етіп, көркем әдебиет әлеміне бірге қадам басуға шақырамыз! 📖 #12Айда12Кітап #ҮздікОқырман #КітапОқу #ОқуғаҚұштарМектеп - @..71944