Maqaansaa Xu Chenhong (Xiao) jedhama. Lammii China ti. Abbaa isaa ijoollummaatti dhabe. Harmeen isaa nama biraatti heerumtee gattee deemte. Obboleessa isaa angafaa waliin rakkinatti guddatan. Sababa humna gahaa dhabeef barnoota addaan kutuuf dirqame. Garuu jireenyaarraa abdii hin kutanne. - Umuriin isaa waggaa 24 taanaan jaalalallee isaa waliin cidha godhachuuf qophaa'e. Maallaqa cidhaaf barbaachisus qopheeffate. - Obboleessa isaarraa kan darbe fira dhihoo hin qabu. Qofaa dhaabatee cidha godhachuu yaadda'e. Galmi xiqqoon inni cidhaaf kireeffate duwwaa ta'ee cidhi koo fokkisa laata jedhee dhiphate - Kanaafuu, miidiyaa hawaasaatti bahee, "Obboleessa koorraa kan darbe fira hin qabu, cidha koo koottaa" jedhe. Achii booda wanti ta'e ajaa'iba! - Namoonni kuma kudhanii (10,000) ol ta'an China kutaa addaa addaarraa cidha isaarratti hirmaachuuf gara ganda gurbaa kanaatti imalan. Gandi xiqqoon sababa keessummaaf bakki wal hanqate. - Gandi kun ibsaa tiraafikaa hin qabdu turte. Sababa cidha kanaatti konkolaataan akka itti socho'u dhabnaan bulchiinsi ishee ibsaa tiraafikaa bakka sadiitti dhaaban. - Tajaajilli internet 5G satalaayitiirraan ganda kanaaf akka tajaajila kennu taasifame - Namoonni cidha kanaaf dhufan hunduu nyaata cidhaaf barbaachisan gosa addaa addaa, meeshaalee manaa, horii (saawwa, hoolaa, re'ee, lukkuufi kkf), akkasumas maallaqa guuranii deeman - Chef (namoota nyaata hojjetan) kan muuxannoo guddaa qaban lakkoofsaan 40 caalantu achitti wal ga'ee warra waamicha dhufaniif tola nyaata qopheesse - Cidhi kaleessa Onkolooleessa 31, 2026 raawwate kun cidha haga ammaatti China keessatti geggeefame keessaa isa guddicha jedhame. Gurbaan sila qofaa koon cidha godhadha jedhee yaadda'e, sababa namaafuu afuura baafachuu dadhabee dafqi illeen coccobaa oole. Gaafa Rabbiin si yaadatu biyyatu daboo siif baha! Seenaa keetu haara'a! Rabbiin si haa yaadatu! #ethiopian_tik_tok🇪🇹🇪🇹🇪🇹🇪🇹 #oromotiktok #fyp #fyppage #fyp - @worldinsight4