⏳ ما تضيّعش راسك فالطريق… من بعد النقاش ديال البنوك التشاركية وشراء السكن، كاين سؤال أكبر من التمويل والمرابحة: شنو هي الأولويات ديالنا فهاد الحياة؟ واش مستعدين نربطو 25 عام من عمرنا بقرض باش نملكو أربعة حيوط وشوية ديال السيما؟ 🏠 ماشي كنقول بلي شراء الدار استثمار خايب، ولا بلي الإنسان ما خاصوش يطمح ويخدم ويحسّن المستوى ديالو. ولكن أزمة 2008 علماتنا بلي حتى الحوايج اللي كنعتابروها ضمان للمستقبل، ماشي دائماً مضمونة. 📖 قال تعالى: ﴿مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً﴾ [النحل: 97] لاحظو… الله وعدنا بحياة طيبة، ماشي بالضرورة حياة فاخرة. ⚖️ وهنا الإشكال ما بقاش غير اقتصادي، ولى حتى مسألة ديال العقيدة وترتيب الأولويات. واش الهدف هو رضا الله، راحة البال، وناس كنبغيوهم وكيبغيونا؟ ❤️ ولا نقضيو حياتنا كنحاولو نرضيو المجتمع، ولو على حساب مبادئنا ورضا الله؟ حيت أخطر خسارة ماشي أنك ما توصلش لداكشي اللي بغيتي… أخطر خسارة هي توصل ليه، وتكتاشف بلي ضيّعتي راسك فالطريق. 🎯 السؤال ماشي غير: شنو باغي تملك فالحياة؟ السؤال هو: شنو مستعد تخسر من راسك باش تملكو؟ (و شوف تشوف) #BadrTalks #الحياة_الطيبة #الأولويات #الوعي - @mohamed.badr.bennani