#မေတ္တာစစ်နဲ့ဥပေက္ခာတရား... ...,.................................................. ပေးခဲ့တဲ့ မေတ္တာတွေက စစ်မှန်ခဲ့သလို ပြန်ရခဲ့တဲ့ ဥပေက္ခာကလည်း ပြင်းထန်လွန်းလှပါတယ်။ ကိုယ်ကတော့ စိတ်ရင်းအမှန်နဲ့ မေတ္တာထားခဲ့တာပါ။ ဘာကိုမှ ပြန်ရဖို့ မမျှော်လင့်ခဲ့သလို ကိုယ့်ရဲ့စေတနာတွေကိုလည်း တန်ဖိုးထားပေးဖို့ အတင်းအကျပ် မတောင်းဆိုဘူး။ ဒါပေမဲ့.... ကိုယ်တန်ဖိုးထားခဲ့သမျှက သူ့အတွက်တော့ အရေးမပါတဲ့အရာတစ်ခုလို လျစ်လျူရှုခံလိုက်ရတဲ့အခါ နာကျင်မှုဆိုတာ မျှော်လင့်မထားတဲ့နေရာကနေ တိတ်တဆိတ် ရောက်လာတတ်ပါတယ်။ နောက်ဆုံးတော့လည်း ကိုယ်ပေးခဲ့တဲ့ မေတ္တာတွေကို နောင်တမရဘဲ ပြန်ရခဲ့တဲ့ ဥပေက္ခာတွေကိုသာ ဘဝရဲ့ သင်ခန်းစာတစ်ခုအဖြစ် လက်ခံလိုက်ရပါတယ်။ မေတ္တာစစ်ခဲ့တာ ကိုယ့်ရဲ့စိတ်ရင်း၊ ဥပေက္ခာပြင်းခဲ့တာ သူ့ရဲ့ရွေးချယ်မှုပါ။ လူတိုင်းကို ကိုယ်ပေးသလို ပြန်ပေးဖို့ မျှော်လင့်နေလို့လည်း မဖြစ်နိုင်ပါဘူး။ ကိုယ်လုပ်နိုင်တာက စိတ်ရင်းမှန်ဖို့၊ ကိုယ်သင်ယူရမှာက တန်ဖိုးမထားတဲ့နေရာမှာ ကိုယ့်မေတ္တာတွေကို အလွန်အကျွံ မဖြုန်းတီးမိဖို့ပါပဲ။ တစ်ခါတလေ အေးစက်တဲ့ ဥပေက္ခာတစ်ခုက မေတ္တာကို ရပ်တန့်စေတာထက် ကိုယ့်စိတ်ကိုယ် ပြန်စောင့်ရှောက်တတ်ဖို့ သင်ပေးသွားတဲ့ သင်ခန်းစာတစ်ခုလည်း ဖြစ်ပါတယ်။ #စိတ်ကြည်နွယ် - @umyasoemm